The Definitive Guide to Living in the Capital , Cairo , Egypt

“لو مش موجود في مكتبي، بشتغل لمدة 12 ساعة متواصلة. هتلاقني على قمة جبل من الجبال” بالطريقة دي عرف عمرة سمرة – الرئيس التنفيذي لشركة “وايلد جوانابانا” – نفسه على موقع الشركة الإلكتروني.

سمرة اشتغل في مجال البنوك، حسب ما ذكر موقع “مصراوي”، في الفترة من 2000 لـ 2009. وأدرك إن الحياة مش بس شغل في المكتب لأكتر من 15 يوميًا. ساعتها أخد القرار وساب وظيفته، وسافر لمدة 370 يوم لـ 12 بلد مختلف. اتعلم في السفر والمغامرة حاجات أكتر من اللي اتعلمها في  الشغل.

بعد خبرات كتيرة ومختلفة، منها تسلق قمم الجبال السبعة (إيفرست – كيلمينجارو – فينسون ماسيف – كوسيياسكو – هرم كارستنز – ألبروز – جبل ماكنلي – أكونكاجوا)، سمرة حب يشارك تجاربه مع الناس. ومن هنا جت فكرة مشروع “وايلد جوانابانا”. اللي بقت بعد كده شركة سياحية متخصصة في تسيير رحلات صديقة للبيئة. خصوصًا إنه لاحظ مشكلة بتواجه العالم العربي، وهي انفصال الناس عن الطبيعة. اللي بيضيع فرص وخبرات كتيرة أوي ممكن الواحد يتعلمها.

مشاكل كتيرة واجهت عمر سمرة في البداية. أولها إنه أطلق الشركة في 2009 وقت الأزمة المالية. وبعد ما كبرت ورحلاتها زادت، حصلت الثورة اللي خلت ناس كتير تكنسل رحلاتها. لكن كل ده ماوقفش في طريقه. وقدر يكبر الشركة في الإمارات، ويوسع شغله هناك. كان دايمًا شايف إن الشخص لما يكبر في مناخ صعب، بيتعود على مواجهة المشكلات وحلها مهما كانت كبيرة. والشركة بعد ما كانت بتقدم رحلات لـ 3 بلدان، النهاردة بتعمل 50 رحلة لأكثر من 20 بلد. جوة وبرة المنطقة العربية.

رحلات الشركة كلها صديقة للبيئة في كافة الأشكال. يعني مثلا الشركة مش بتطبع ورق. وبتتجنب الفنادق الكبيرة اللي بتسرف في استهلاك المياه والكهرباء. الشركة كمان بتحاول تدور على أماكن توفر تجربة غنية للسياح. وكمان بتوفر وسيلة النقل في بدية التجربة ونهايتها.

أما عن نصيحة عمر سمرة لكل رائد أعمال، فهو بيقول إن ناس كتيرة شايفة إن الفشل هو تكرار المحاولات وعدم النجاح. لكن الفشل الحقيقي هو إنك ماتبدأش أصلًا. علشان كده لازم تثق في نفسك وقدراتك، وتبدأ تنفذ أفكارك.