على الأرض السلام.. رحلة لأجمل الأماكن القبطية الأثرية في القاهرة
أماكن دينية تاريخية في القاهرة السياحة في مصر الكنيسة المعلقة المتحف القبطي دير الأنبا سمعان رحلات في القاهرة
Mohamed Talaat
مصر مهد الحضارة والتاريخ، والقاهرة فيها أماكن تاريخية دينية مهمة بتحكي حكايات عن أهم الأديان والمعتقدات على أرض مصر، ومنها اليهودية والمسيحية والإسلامية، والحضارة المصرية المسيحية لها مكانة كبيرة وتاريخ عريق، وعلشان كده مهم نعرفكم على أجمل 3 أماكن أثرية في القاهرة بتحكي كتير عن التاريخ القبطي في العاصمة المصرية.
الكنيسة المعلقة
أول كنيسة في القاهرة، وهي في مجمع الأديان بمصر القديمة. لها طابع معماري نادر وتم تسميتها بالكنيسة المعلقة لأن تم بناءها على برجين من أبراج حصن نابليون على ارتفاع 13 متر من سطح الأرض، وتعتبر هي أول مقر بابوي في القاهرة، وبتحتضن 90 أيقونة موزعة على جدرانها، وفيها 13 عامود عملاق بيمثلوا المسيح عليه السلام والرسل الإثني عشر.
المتحف القبطي
افتتح المتحف القبطي عام 1910 بعد مجهود كبير من مرقص سميكة أحد الشخصيات المسيحية البارزة في الوقت ده، واللي كان كل اهتمامه أنه يحفظ التراث القبطي، وبدأ بناء المتحف بمجموعة آثار جمعها بنفسه بعد ما كون مجموعة مميزة بتجمع ما بين الفن والمعمار القبط والثقافات السائدة زي الفرعونية والرومانية والبيرنطية واليونانية والعثمانية، وموجود داخل المتحف مجموعة من المخطوطات المزخرفة والأعمال الخشبية المنحوتة والأيقونات والجداريات الدينية اللي تم جمعها من الأديرة والكنائس القديمة.
دير الأنبا سمعان
رغم أن دير الأنبا سمعان الخراز حديث نسبيًا، إلا أنه مزار سياحي ديني مهم في القاهرة، والحقيقة أنه مش مجرد مزار ديني، ده مكان ترفيهي وثقافي واجتماعي مميز، مبني على مساحة 1000 متر بتصميم مبهر في قلب جبل المقطم.
