“سادات قريش”.. 5 معلومات عن “أول” مسجد في مصر
أقدم مسجد في مصر أول مسجد في مصر مسجد سادات قريش بالشرقية مسجد سادة قريش مسجد عمرو بن العاص
Mohamed Talaat
تصوير: D/Eslam Dosoky
تعرف إيه هو أول مسجد بني في مصر؟ يمكن تجاوب بسرعة وتقول إنه مسجد عمرو بن العاص! لكن الحقيقة الإجابة ممكن تكون مختلفة، جامع سادات قريش المسجد التاريخي اللي بيقع بمدينة بلبيس بمصر هو أقدم مسجد في مصر بحسب بعض المؤرخين المهمين، واللي بيؤكدوا أن المسجد تأسس قبل مسجد عمرو بن العاص في مدينة الفسطاط، وبيرجح كمان أنه يكون أول أو ثاني أقدم مسجد في أفريقيا.
وأطلق على المسجد اسم “سادات قريش” كنوع من أنواع التكريم لشهداء المسلمين من صحابة رسول الله في معركتهم ضد الرومان وقت فتحهم لمصر، وبيقع المسجد في شارع بورسعيد بمدينة بلبيس.
تعالوا نتعرف أكثر على المسجد التاريخي من خلال 5 معلومات فيهم الخلاصة!
1- تم بناء مسجد سادات قريش بمدينة بلبيس داخل محافظة الشرقية عام 18 هجرية.
2- مساحة المسجد حوالي 3000 متر.
3- جدران مسجد سادات قريش كانت في البداية من الطوب اللبن والأعمدة من جذوع الشجر والسقف من السعف والطمي.
4- تم تجديد المسجد في العهد العثماني على يد أمير مصر أحمد الكاشف الذي أنشأ المئذنة.
5- بيضم مسجد سادات قريش 3 صفوف من الأعمدة الرخامية، ومقسم إلى أربعة أروقة موازية لحائط القبلة.
