خطوة عزيزة.. رحلة لـ5 من أجمل بيوت القاهرة التاريخية
القاهرة بيت السحيمين بيت الست وسيلة بيت السناري بيوت القاهرة التاريخية بيوت تاريخية في مصر سياحة مصر
Cairo 360
كل بيت من بيوت القاهرة القديمة جواه قصة تستحق أن تروى. عاش فيه ناس من سنين طويلة، وحصلت فيه أحداث مهمة، وكل ركن من أركانه بيقول حاجة عن الماضي. في الموضوع ده هنعرفكم على أجمل بيوت القاهرة التاريخية، المفتوحة للزيارة، واللي بترحب بكم في أي يوم علشان تكونوا جزء من حكاياتها.
تعالوا نتعرف على 5 من أجمل البيوت التاريخية في العاصمة المصرية.
بيت السناري
موجود في حارة منجي بوسط القاهرة، بناه سنة 1794م رجل سوداني اسمه إبراهيم كتخدا، واللي كان مشهور باسم السناري نسبة لمدينته (مدينة سنار)، وبعد وصول الحملة الفرنسية لمصر اتخذته مسكن لعدد من علمائها وفنانيها .
بيشبه المنزل في تخطيطه المنازل الإسلامية في الفترة دي، بيتوسط البيت فناء به نافورة صغيرة وفيه بعض أشجار النخيل وبتطل عليه مشربيات قاعات المنزل.
بيت الكريتلية (متحف جاير أندرسون)
بيقع البيت في القاهرة القديمة، بجوار جامع أحمد بن طولون. البيت بيحوي منزلين الأول هو بيت الكريتلية نسبة إلى آخر من سكنه وهي سيدة بينتهي أصلها إلى عائلة من جزيرة كريت، أما الثاني فهو منزل آمنة بنت سالم نسبة إلى آخر من امتلكه، وبيطلق على البيت حاليًا اسم متحف سير جاير أندرسون، نسبة إلى الضابط الإنجليزي اللي كان مقيم فيه بسبب حبه للآثار، وفي المقابل اتبرع بمجموعته الأثرية لهيئة الآثار، وكان شرطه إن البيت يتحول لمتحف .
بيت الست وسيلة
في أحضان القاهرة التاريخية، بالقرب من جامع الأزهر الشريف، بيقع بيت “الست وسيلة” أو (بيت الشعر العربي)، وبيعد البيت ده ملتقى للشعراء. تصميم البيت هيحسسك بروعة العمارة الإسلامية بكل ما تحويه من تفاصيل معمارية فنية وزخارف في غاية الجمال.
بيرجع تاريخ بناء البيت لسنة 1646م، وبيقع بمنطقة “الباطنية”، وتحديدًا في شارع “عطفة العيني” على بعد أمتار قليلة من جامع الأزهر.
بيت زينب خاتون
بيقع “بيت زينب خاتون” خلف الجامع الأزهر . وبدأت قصة إنشائه عام 1486م، لما قامت الأميرة شقراء هانم حفيدة السلطان الناصر حسن بن قلاون أحد سلاطين المماليك ببناء البيت وفضل ملك لها لحد عام 1517م، وكانت “زينب خاتون” آخر من سكن البيت قبل أن يضم إلى وزارة الأوقاف.
وكانت زينب خاتون هى واحدة من خادمات محمد بك الألفي، ولما أعتقها الألفي تزوجت من أمير اسمه “الشريف حمزة الخربوطلي” واشترى لها زوجها المنزل وسمي المنزل باسمها، ومعنى خاتون المرأة الشريفة الجليلة وأضيف اللقب إلى اسمها بعد زواجها من الأمير.
لما وصلت الحملة الفرنسية إلى مصر كانت زينب خاتون بترحب في بيتها بالفدائين والجرحى اللي خرجوا ضد الفرنسين.
بيت السحيمي
بيقع في الدرب الأصفر وبيتفرع من شارع المعز لدين الله، وهو متأثر تخطيطيًا بالعمارة العثمانية .
بيتكون بيت السحيمي من قسمين: قسم جنوبي (قبلي) بناه الشيخ عبد الوهاب الطبلاوي سنة 1648م، وقسم شمالي (بحري) بناه الحاج إسماعيل شلبي سنة 1796م وربطه بالقسم الأول وجعل منه بيت واحد تحت اسم بيت السحيمي نسبة إلى آخر مالك له وهو السيد محمد أمين السحيمي شيخ رواق الأتراك بالجامع الازهر واللي توفى سنة 1928م.
بيتوسط بيت السحيمي الفناء الأوسط (الحديقة) أو (الحوش) اللي بتتوزع حوله وحدات البيت ومنها المقعد اللي بيمثل القاعة الصيفية لأصحاب المنزل وزائريهم من الرجال، وبيزين سقف المقعد زخارف نباتية وهندسية، وبيطل على الفناء القاعات العلوية من خلال مشربيات من خشب الخرط واللي بتعد واحدة من روائع الفنون الإٌسلامية.
مقترح
فن وثقافة
شبابيك بتطل على القاهرة.. مشروع فني لتوثيق ملامح العاصمة وقت الغروب
Frames of Cairo القاهرة +4
الحياة في كايرو
