خريطة مختلفة للمترو.. محطات هتاخدك لأماكن تاريخية مدهشة في القاهرة
أماكن تاريخية في القاهرة استكشاف القاهرة بالمترو المترو والأماكن السياحية مترو الأنفاق محطات المترو
Cairo 360
القاهرة دائمًا مليانة تفاصيل حلوة حتى وهي زحمة. في عز الوقت اللي بتكون محتاج تفصل فيه مع نفسك شوية بيجي مترو الأنفاق علشان يمنحك المساحة دي، في أي مشوار بقى رايحه، وده سبب ممكن يخلي المواطنين يستخدموا المترو. وسيلة مواصلات سهلة، سريعة، آمنة، وقريبة من أماكن كتير مهمة وممتعة.
في السطور الجايه كايرو 360 اختارت لكم 13 محطة مترو قريبين من أماكن تاريخية وسياحية في القاهرة. يلا بينا نستكشف القاهرة بعيون مترو الأنفاق.
13 محطة بـ 13 مكان
(1) محطة مترو أنور السادات: المحطة هي الأقرب للمتحف المصري بالتحرير، وهو المكان اللي بيضم أكتر من 180 ألف قطعة أثرية قيمة وبتعبر عن جميع مراحل التاريخ المصري.
(2) محطة مترو محمد نجيب: ودي المحطة الأقرب لقصر عابدين، وهو القصر اللي شيده محمد علي باشا وكان مقر لحكمه، وشهد كتير من الأحداث التاريخية حتى ثورة يوليو 1952، وبيعد تحفة فنية نادرة.
(3) محطة مترو شبرا الخيمة: ودي أقرب محطة لقصر محمد علي بشبرا، هو قصر اتبنى على مدار 13 سنة، وكان في شكله النهائي تحفة معمارية.
(4) محطة مترو الأوبرا: ودي طبعًا محطة المترو اللي بتوصل لدار الأوبرا المصرية على طول، الدار اللي احتوت فنون كتير وفنانين أكتر ومبدعين، وكان تاريخها مليان بالتفاصيل الجميلة، دار الأوبرا مكان تاريخي حلو في وسط القاهرة.
(5) محطة مترو مارجرجس: ودي المحطة الأقرب لمجمع الأديان في مصر القديمة والفسطاط، كمان تقدر تزور منها الكنيسة المعلقة.
(6) محطة مترو حلوان: ودي بتكون أقرب محطة مترو للحديقة اليابانية، وهيا حديقة بتمثل رمز آسيا في مصر.
(7) محطة مترو الملك الصالح: تقدر تاخد منها مواصلة للسيدة عائشة وتنزل قلعة صلاح الدين الأيوبي ومسجد محمد علي وهي أقدم حصن في مصر.
(8) محطة مترو الجيزة: تقدر تاخد منها مواصلة الهرم وتنزل عند أهرامات الجيزة وأبو الهول، ودول أهم معالم مصر الفرعونية طبعًا.
(9) محطة مترو العتبة: لما تركب مواصلة بسيطة اتجاه الحسين والجمالية هيوصلك لشارع المعز لدين الفاطمي والأزهر وخان الخليلي.
(10) محطة مترو الزهراء: ودي بتكون أقرب مترو للمتحف الچيولوجي المصري، وده المتحف اللي بيعرض فيه عينات متنوعة ومختلفة من الصخور والحفريات والمعادن المصرية.
(11) محطة مترو صفاء حجازي “الزمالك”: ودي أقرب مترو لقصر عائشة فهمي في الزمالك، وهو مزار سياحي بيفتح كل فترة شهر مجاني، وهو مفتوح الأيام دي بالبطاقة بس.
(12) محطة مترو جامعة القاهرة: هي أقرب مترو للحديقة الحيوان بالجيزة وحديقة الأورمان.
(13) محطة مترو عين حلوان: هي المحطة الأقرب لمتحف الشمع، وده المتحف اللي بيضم مجموعة كبيرة من التماثيل اللي بتوثق فترات مهمة في حياة مصر.
بنتمنى لكم رحلة سعيدة!
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
