جوبال لاجون: أحدث المشروعات العملاقة في الجونة من أوراسكوم للفنادق والتنمية
Cairo 360
مع وصول الصيف، كل تركيز أهل القاهرة هـ يروح –لو ما راحش بالفعل– على تخطيط أجازة الويك إند على أجمل شواطئ مصر، ومن أهمها جنة البحر الأحمر وهي الجونة، باعتبارها واحدة من أحلى الأماكن في مصر، مش هـ نبالغ لو قولنا أن الجونة هي جوهرة أوراسكوم للفنادق والتنمية باعتبارها مركز الأعمال المبهرة للشركة، وأعمالهم كمان تشمل طابا هايتس وفيوم وجزيرة آمون.
من وقت ظهورها سنة 1989 والمصريين بـ يروحوا الجونة، ودلوقت كبرت أكثر مع إطلاق جوبال لاجون رسميًا في أبريل، خلال شهور قليلة كانوا باعوا المشروع اللي يعتبر أحدث المشروعات في الجونة، وده دليل على التميز المستمر لأوراسكوم للفنادق والتنمية والتواجد المميز لجوبال لاجون.
ليه الناس متحمسة بالطريقة دي؟
ظهور جوبال لاونج على خريطة الجونة بـ يزود من أهميتها للقاهريين اللي بـ يعتبروا الجونة بيتهم الثاني، ومع مكانها المميز بين أبو تيج مارينا والنيو مارينا، جوبال لاجون بـ تقع على بحيرة مالحة رائعة تجمع بين الطبيعة الخلابة للمكان مع لمسات مودرن جميلة، وسر النجاح الفعلي هو استخدامهم لتكنولوجيا موفرة للطاقة.
جوبال لاجون بـ يتكون من 17 فندق و463 مكان للتسوق وملعبين جولف عالميين 18 حفرة ومجمع للرياضات المائية وكابل بارك، ده غير كمان مستشفى ومدارس على الطراز العالمي ومكتبة تابعة لمكتبة الإسكندرية وثلاثة مارينا عالميين؛ نعتقد بعد الكلام ده مافيش خدمات ثانية ممكن تحتاجها هناك.
كل ده مجرد بداية، أوراسكوم للفنادق والتنمية بـ تجهز خطط توسعة تبدأ بها مراحل المشروع الجديدة، وبكده فرصتك لسه موجودة، تقدر تعرف معلومات أكثر على مواقع عقارات الجونة وأوراسكوم للفنادق والتنمية، وكمان ممكن تتابع حساب الجونة على الفيسبوك وإنستجرام.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
