بيضم أكثر من 1000 قطعة أثرية.. معلومات مهمة عن متحف الغردقة
أثار مصرية متاحف خارج القاهرة متاحف مصرية متحف الغردقة محافظة البحر الأحمر
Omar Abd-elmaqsoud
الصور من صفحة المتحف الرسمية.
مصر مليانة متاحف عظيمة، وأحدث متحف تم افتتاحه في مصر هو متحف الغردقة في محافظة البحر الأحمر، واللي تم بناؤه على مساحة بتقدر بحوالي 10 آلاف متر مربع، وهو أول متحف أثري مصري بيقام بالتعاون مع القطاع الخاص، والهدف إنه يكون بوابة جذب لحركة السياحة الثقافية لمدينة الغردقة.
وتم افتتاح المتحف في نهاية فبراير اللي فات، والمتحف بيقع بالقرب من مطار الغردقة الدولي جنوب المدينة، وبتستهدف مصر من إقامة المتحف ده تشجيع زيارة المتاحف للسائحين اللي بيفضلوا السياحة الشاطئية، علشان يتعرفوا على تاريخ مصر في مختلف العصور.
والمتحف اللي تم بناؤه بالشراكة بين القطاعين العام والخاص، بيضم أكثر من 1000 قطعة أثرية، بتؤرخ لفترات وعصور مختلفة من الحضارة المصرية القديمة.
وجميع القطع الأثرية المعروضة داخل قاعات المتحف كانت ضمن قطع المخازن، بالإضافة لمجموعة تانية كانت معروضة داخل بعض المتاحف المصرية.
وبينقسم المتحف لـ 3 مناطق مختلفة، هي قاعات العرض بالمتحف، ومنطقتين للترفيه والتسوق.
وبتضم قاعات عرض المتحف قطع فريدة بتحكي مراحل الفن عبر التاريخ المصري، وبتشمل المعروضات الأدوات اللي كان بيستخدمها المصري القديم في حياته اليومية بداية من أدوات الطهي والطعام وأدوات الزينة والصيد وصولاً إلى الآلات الموسيقية والأدوات المستخدمة في الألعاب الرياضية، ومجموعة من الحلي الفريدة.
ووصلت تكلفة تأسيس مبنى المتحف لحوالي 160 مليون جنيه مصري.
عنوان المتحف: الغردقة، طريق المطار.
تليفون: 01111118891
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
