بالصور.. نقل تابوتين لـ”سنجم” من متحف التحرير لمتحف الحضارة في الفسطاط
الأسرة الـ19 المتحف القومي للحضارة المتحف المصرى في التحرير الملك سيتي الأول رمسيس التاني سنجم وزارة الآثار
Omar Abd-elmaqsoud
الصور من صفحة وزارة الأثار
استقبل المتحف القومي للحضارة يوم السبت 21 سبتمبر تابوتين لمومياوتين أثريتين، تابعين لعصر الملك سيتي الأول، وأوائل عصر ابنه الملك رمسيس الثاني من الأسرة الـ 19، واللي كانوا معروضين فى الغرفة رقم “17” في المتحف المصرى في التحرير.
فك غلاف التابوتين في المتحف القومي للحضارة تم بحضور وزيرالآثار “خالد العناني” و”مصطفى وزيري” الأمين العام للمجلس الأعلى للآثار، واللي بدوره وضح لنا إن التابوتيـن كان فيهم مومياوتين لـ شخص أسمه “سنچم” و زوجته، وكان “سنجم” بيشغل منصب رئيس العمال في عصر الملك سيتي الأول.
حالة التابوتين كويسة جدًا زي ما قال “الوزيري” وهما مصنوعين من الخشب الملون، وعليهم زخارف ملونه، وكان تم اكتشافهم أول مرة في مقبرة “سنجم” في دير المدينة في البر الغربي في محافظة الأقصر علي إيد عالم الآثار الفرنسي جاستون ماسبيرو سنة ١٨٨٦.
بعد فك أغلفة التابوتين، اتنقل المومياوتين لمعمل الترميم علشان يتحطوا في كبسولة التعقيم. زي ما قالت د. منال عبد المنعم مدير عام الصيانة والترميم في متحف الحضارة، واللي أكدت على إن التوابيت كمان هيتم تنظيفها وصيانتها وترميمها علشان تكون جاهزة للعرض مع المومياوات في افتتاح القاعات الخاصة بيهم قريبًا.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
