The Definitive Guide to Living in the Capital , Cairo , Egypt

بيت زينب خاتون في منطقة الأزهر مش بس مكان جميل تقدر تقعد فيه جنب منطقة الحسين أو فيه أنشطة ثقافية وفنية زي بيت العود وأنشطة تعليم الموسيقى لكنه في الأصل مكان أثري قيمته التاريخية غالية جدًا.

بيت زينب خاتون أحد أبرز البيوت الفريدة من المنازل الإسلامية، وذات طراز معمارى مميز، بيرجع للعصر المملوكى، وبيستخدم كموقع أثرى ومركز للإبداع الفنى والثقافى، وبيشهد تنظيم العديد من الفعاليات والندوات الفنية والثقافية. وفي السطور الجاية هنقول لكم أهم المعلومات عن بيت زينب خاتون الأثرى.

البيت اتبنى إمتي؟

 بيت زينب خاتون اتبنى سنة 1486، بأمر الأميرة شقراء هانم حفيدة السلطان الناصر حسن بن قلاوون وهو واحد من سلاطين المماليك، وراء الجامع الأزهر، وفضل ملكها لحد سنة 1517. واتسمى بالاسم ده لأن واحدة من خادمات محمد بك الألفى،  واللي كان أحد ملاك البيت، بعد ما حررها من خدمته اتجوزت زينب أمير اسمه “الشريف حمزة الخربوطلي”، وبقت أميرة زيه وكمان خدت لقب  خاتون يعني المرأة الشريفة الجليلة، وبقى اسمها زينب خاتون.

البيت بيتكون من إيه؟

المكان بيتكون من من “صحن البيت”، وهو واسع ومكشوف، طالة عليه مشربيات مقاعد الرجال وكانوا بيسموها “السلاملك”، ومقاعد النساء اللي كان اسمها “الحرملك” واللي موجودة في الدور الثاني، وأما الدور الثالث ففيه غرف النوم.

بعد سنين كتيير ومن كم سنة قريبين الساحة الصغيرة اللي مكانها شمال بيت زينب خاتون  بقت قهوة مصرية  باسم “زينب خاتون”، والقهوة مميزة بالطابع العربي وبتتقدم فيها المشروبات المصرية بنكهاتها المختلفة.

ترميم البيت

الغريب إن البيت ده اتقفل سنة 1981 بعد تعرضه لتشققات خطيرة، وعملوا مشروع ترميم للمنزل تحت إشراف قطاع الآثار الإسلامية والقبطية بالمجلس الأعلى للآثار علشان يرجع البيت زي ما كان زمان، بالاشتراك مع عشرات من خبراء المجلس من أثريين ومهندسين ومرممين وحرفيين.

بيت زينب خاتون مش بس مكان أثري جميل لكنه مركز ثقافي تم ترميمه علشان الناس كلها تستمتع بيه وتفتخر بتاريخها.