بالصور: كل اللي محتاج تعرفه عن المتحف القومي للحضارة المصرية
Mohammed Sabry
تصوير: بيشوي فايز
مؤخرًا تم افتتاح “المتحف القومي للحضارة المصرية” في الفسطاط. واللي بيقدم عرض للحضارة المصرية من عصور ما قبل التاريخ، لحد يومنا الحالي. تعالوا ناخد جولة سريعة، ونعرف شوية معلومات عن المتحف ده.
تصميم المتحف ومحتوياته
المتحف موجود في منطقة الفسطاط بمصر القديمة. وبيطل على بحيرة عين الصيرة. الشغل على المتحف بدأ من زمان، واللي خلص منه دلوقتي هو المرحلة الأولى. صمم المعرض المهندس المعماري المصري، الغزالي كسيبة. ومساحات المعرض صممها المهندس المعماري الياباني “أراتا إيسوزاكي”.
هيتم عرض مقتنيات المتحف في معرض رئيسي دائم عن إنجازات الحضارة المصرية. بالإضافة لمعارض موضوعية بتغطي فجر الحضارة والكتابة والثقافة والمعتقدات والتقاليد وغيرها. ومعرض المومياوات الملكية. ده غير معرض للحرف التراثية على مر العصور. وفيه أربع حرف: حلي – خزف – نسيج – خشب.
وكمان هيتضمن المتحف قاعات للعرض. ومراكز للتعليم والبحوث. ده غير معرض متعلق بتطور مدينة القاهرة. وهيكون فيه قاعات للمناسبات والأفلام، والمؤتمرات والمحاضرات، والأنشطة المختلفة.
الأهمية الثقافية والسياحية
المتحف هيلعب دور ثقافي مهم وكبير، في التوعية بتاريخ ومجتمع مصر، القديم والجديد. والتأكيد على الهوية المصرية، من خلال استضافة المعارض والمناسبات الثقافية المختلفة. أما سياحيًا، فالمتحف هيكون نقطة جذب للزوار من داخل وخارج مصر في كل مكان. وأكيد هيشكل مصدر كبير من مصادر الدخل القومي للبلد.
المتحف مفتوح كل يوم من 9 صباحًا لـ 5 مساءً. والدخول مجانًا لحد آخر شهر فبراير. تقدروا تعرفوا أكتر عن المتحف من هنا.
استمتعوا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
