The Definitive Guide to Living in the Capital , Cairo , Egypt

الصورة الرئيسية: Mateo Giraud

للسفر فوائد كتير، أهمها تغيير الموود، فما بالكم بقى بالسفر في عيد الفطر 2024 اللي قرب خلاص! والخروج من القاهرة كل فترة بيعمل لنا ريفريش، خاصةً لو في مكان فيه بحر وسماء صافية. علشان كدة هنقول لكم على 5 رحلات صيفية تقدروا تقوموا بيهم في عيد الفطر لأماكن قريبة من القاهرة.

العين السخنة

موجودة في طريق السويس وهي الأقرب للقاهرة، وكمان تعتبر من الوجهات الأكثر زيارة في الداي يوز والإجازات الصغيرة، لأنها فيها كل اللي هتحتاجوه من مواصفات لتغيير مودكم، خضرة وماء، وقرية من القاهرة.

تقدروا في العين السخنة تصطادوا، تقعدوا على البحر، تاخدوا يخت وتشوفوا الشعب المرجانية، تاكلوا سمك، تغطسوا، تعملوا سفاري، حفلات باربكيو، تخييم في جبل الجلالة، تتسوقوا، ركوب التلفريك، التزلج على الماء، ركوب الأمواج، استخدام العيون الكبريتية.

الإسماعيلية

رغم أنها محافظة مش كبيرة إلا أنها من المدن الساحلية المميزة ولها طبيعة خاصة، وهي ملجأ لكل محبين السمك في كتير من الأوقات، وتقدروا فيها تزوروا أكتر من متنزه وحديقة لأنها مشهورة بيهم، وتقدروا تزوروا متحف الإسماعيلية، ومتحف العلوم، والغطس والسباحة وركوب الأمواج والصيد، والاستمتاع ببحيرة التمساح، ومتحف دبابات أبو عطوة، ومتحف قناة السويس، ومنزل ديليسبس.

بورسعيد

المدينة الباسلة اللي من أهم المدن اللي يتعمل فيها شوبينج بكل ارتياح لأنها منطقة حرة، وكمان من المدن الشهيرة اللي السمك فيها طعمه مميز وحلو، ده غير مدينة بورفؤاد العريقة اللي مجرد الوصول لها بالمعدية وسط طيور النورس متعة مش موجودة في أي مكان تاني، وتقدروا هناك تزوروا فنار بورسعيد القديم، مقابر الكومنولث، مبنى هيئة قناة السويس، قاعدة تمثال ديليسبس، مسلة الشهداء، متحف النصر للفن الحديث، متحف بورسعيد الحربي، والمتحف القومي، والمعالم الإسلامية والقبطية، والممشى السياحي، وبحيرة المنزلة، ومحمية أشتوم الجميل.

الفيوم

رغم أن الفيوم مافيهاش بحر إلا أن موقعها الجغرافي والبحيرة اللي فيها يغنوها عن البحر، وهي من الأماكن المرشحة بقوة للسفر في الإجازات وخاصة إجازة العيد، واللي هتستمتعوا فيها بالتأكيد، وتقدروا تزوروا في الفيوم هرم سنفرو، وادي الريان، هرم لاهون، هرم هوارة، قرية تونس، مدينة كرانيس الأثرية، قصر وبحيرة قارون، محمية وادي الحيتان، متحف آثار أوشيم، السواقي، محمية وشلالات وادي الريان، حدائق عين السيلين.

الإسكندرية

يطلق عليها مدينة الرب، وبعيدًا عن زحمتها في الأعياد والإجازات، إلا أنها المقربة لقلبنا، فيها روح مش موجودة في مكان تاني، وأول حاجة في الإسكندرية لازم تكون أنكم تقعدوا على البحر، ومش هنبالغ لو قلنا ده يكفي انكم تشموا يود البحر وتعملوا ريلاكسيشن، وطبعًا ده مايمنعش أنكم تزوروا مكتبة الإسكندرية، وقلعة قايتباي، ومتحف المجوهرات المكلية العظيم، قصر كليوباترا، متحف الإسكندرية القومي، سوق العطارين، كوبري ستانلي، حدائق المنتزه بشكلها الجديد، وطبعًا هتلاقوا أحلى سمك في البحر المتوسط.