The Definitive Guide to Living in the Capital , Cairo , Egypt

الصور: صفحة المتحف الرسمية على فيسبوك
المتحف القومي للحضارة المصرية مكان مميز بيديك فرصة تعيش رحلة عبر التاريخ كله، بداية من أقدم العصور لحد دلوقتي. فكرة إنشاء المتحف بدأت لما منظمة اليونسكو أعلنت حملة دولية لإنشاء متحف النوبة بأسوان والمتحف القومي للحضارة في القاهرة. وبعد تصميم فاز بيه المهندس د. الغزالي كسيبة سنة 1985، اتحط حجر الأساس سنة 2002 في قلب الفسطاط، أول عاصمة إسلامية في أفريقيا.

المتحف هو الأول من نوعه في العالم العربي، وبيضم أكتر من 1600 قطعة أثرية بتوضح التراث المصري المادي واللامادي، بالإضافة لقاعات مميزة زي:

قاعة المومياوات الملكية: اللي فيها 22 مومياء تم نقلهم في موكب عالمي يوم 3 أبريل 2021.

قاعة النسيج المصري: فيها 650 قطعة نادرة بتحكي عن تطور الأزياء من عصور ما قبل التاريخ لحد العصر الحديث.

المتحف كمان بيقدم أنشطة ثقافية وعلمية متنوعة: قاعات محاضرات، مسرح، ورش للأطفال، مكتبة، ومعامل لترميم الآثار. ده غير المحلات، الكافيهات، والمطاعم اللي بتطل على بحيرة عين الحياة.

مواعيد الزيارة:

السبت للخميس: من 9 ص لـ 5 م

الجمعة: من 9 ص لـ 5 م، ومن 6 م لـ 9 م

لزيارة المتحف:

لشراء التذاكر أونلاين اضغط هنا.

الخط الساخن: 19654.

العنوان: الفسطاط، عين الصيرة، القاهرة.