المتحف القبطي بالقاهرة.. هنا أكبر مجموعة آثار قبطية في العالم
المتحف القبطي المتحف القبطي المصري تاريخ مصر القبطي عنوان المتحف القبطي متاحف القاهرة
Cairo 360
المتاحف في القاهرة مليانة بالحواديت، وكل حدوتة بتقول كتير عن جزء مهم من تاريخ مصر، ومن متاحف القاهرة المهمة بيطل علينا المتحف القبطي اللي بيضم أكبر مجموعة من الآثار القبطية في العالم، والمكان فيه طاقة روحانية عالية، ومليان بالسلام.
المتحف القبطي موجود في مصر القديمة، وبالتحديد في شارع مارجرجس. تم افتتاحه سنة 1910.
تم انشاء المتحف بمجهودات مرقص سميكة باشا اللي بيعتبر أحد الشخصيات المسيحية البارزة واللي كان مهتم بحفظ التراث القبطي. قدر سميكة باشا يجمع الآثار القبطية وغيرها من العناصر المعمارية من الكنائس القديمة اللي بتخضع للتجديدات، واستخدمها لبناء المتحف وتأسيس مجموعته الخاصة من الآثار القبطية.
كنوز المتحف
بتحتوي المجموعة الكبيرة الخاصة بالمتحف على المخطوطات المزخرفة بشكل رائع، والأيقونات، والأعمال الخشبية المنحوتة بدقة، والجداريات (الفريسكات) المتقنة المزخرفة بالمناظر الدينية والباقية من الأديرة والكنائس القديمة.
بتعكس مجموعة الآثار بالمتحف التاريخ القبطي من بداياته الأولى في مصر خلال ازدهارها كمركز رائد للمسيحية في العالم. (بترجع أصول الميسحية “القبطية” في مصر إلى زيارة القديس مرقص لمدينة الإسكندرية في القرن الأول الميلادي).
وبتعكس الآثار المعروضة فى المتحف المزج بين الفن القبطي والثقافات السائدة في مصر على مر العصور، بما فيها الفرعونية، واليونانية، والرومانية، والبيزنطية والعثمانية، وتطورها لحد ما أصبح لها شخصيتها وهويتها الخاصة.
