The Definitive Guide to Living in the Capital , Cairo , Egypt

تصوير: Frank Schulenburg

وسط شوارع هادئة مليانة زرع أخضر منعش، مطاعم راقية، كافيهات، تعتبر الزمالك من أكثر المناطق جذبًا فى مصر، ومكان لواحد من أشهر معالم القاهرة الأثرية، وهو برج القاهرة.

استمر برج القاهرة فى كونه أطول مبنى فى مصر وشمال أفريقيا لحوالي 15 سنة، لغاية ما تجاوزه برج هيلبرو فى جنوب إفريقيا. بعدد أدواره الستة عشر، طول البرج المبهر يصل إلى 187 متر.

ناس كثير بيشوفوا أنه يعتبر واحد من أشهر معالم القاهرة بعد أهرامات الجيزة، وكثير من المشاهير – منهم الرؤساء، السياسيين ونجوم السينما منهم كاثرين هيبورن – انبهروا من المنظر المهيب للقاهرة من فوق البرج.

البرج تم تصميمه على يد المعمارى نعوم شبيب، وبناءه كان من الفترة بين 1954 و1961 باستخدام الجرانيت. مادة الجرانيت هى نفس المادة المستخدمة من قبل القدماء المصريين وتعتبر رمز فى حد ذاتها نتيجة لتكوينها الفريد وشكلها المميز.

شكل المبنى الشبيه بنبات اللوتس اللي بنشوفه ماكانش نتيجة الصدفة؛ الحقيقة أن اللوتس رمز مهم عند المصريين القدماء لأنه النبات المستخدم فى عمل ورق البردى.

معلومة تاريخية هامة أغلب الناس تجهلها وهي مين اللي كان مصدر تمويل برج القاهرة، والحقيقة أن الحكومة الأمريكية وقتها هى كانت الممول. أهدت أمريكا هدية شخصية بقيمة 6 مليون دولار للرئيس المصرى جمال عبد الناصر فى محاولة لكسب وده، لكن هو بدوره حول الفلوس للحكومة المصرية لبناء برج القاهرة.

 أول ما تدخل، هتشوف منظر من قمة البرج فعلًا ملهوش مثيل سواء نهارًا، أو ليلًا وقت ما بتكون القاهرة مضاءة وفى قمة إبهارها. الحقيقة، لو اخترت الوقت المناسب، تقدر تشوف منظر رومانسى رائع لغروب الشمس يعتبر تجربة ساحرة، وكمان غالباً بيكون أحلى وقت تقف فيه فوق العاصمة.

على قمة البرج موجود مطعمين، واحد منهم المطعم الدوار الشهير، وفيه ضيوف المطعم يقدروا يقعدوا بجانب النافذة ويستمتعوا بالأكل وسط منظر العاصمة، الفكرة هنا أن الأسعار غالية شوية بالنظر لأن أنت دفعت بالفعل رسوم دخول للبرج.

المطعم بيحتاج حوالى 70 دقيقة علشان يعمل دورة كاملة، والحركة بتكون تقريبًا غير ملحوظة. ممكن كمان تشوف الأهرامات لو الجو رائق.

مواعيد العمل من 8 صباحًا لغاية منتصف الليل فى الشتاء ومن 9 صباحاً لغاية 1صباحاً فى الصيف، وبكده يكون متاح طول اليوم ولوقت متأخر بالليل. مدخل البرج ممكن يكون زحمة شوية نظراً لوجود أسانسير واحد صغير حمولة 8 أفراد.