The Definitive Guide to Living in the Capital , Cairo , Egypt

مصر فيها عدد ضخم من المتاحف المهمة، اللي بتجذب كل سنة ملايين من سكان العالم لزيارتها. ولو قررت في الفترة الجاية تزور محمية وادي الجمال بمرسى علم، اوعى يفوتك زيارة متحف “العبابدة” اللي بيوثق بشكل إنساني مبهر تفاصيل حياة قبيلة “العبابدة” المصرية.

تعالوا نتعرف على 5 معلومات عن متحف “العبابدة”.

1 – الهدف من إقامة متحف “العبابدة”، الموجود بالتحديد داخل مركز الزوار بمحمية وادي الجمال بمرسى علم، هو حماية وحفظ تراث قبيلة “العبابدة” الثقافي والإنساني من الاندثار والاختفاء وحفظه للأجيال الجاية.

2 – بيضم المتحف مقتنيات بتعكس الحياة البدوية لأبناء قبيلة “العبابدة” اللي بيعيش أفرادها داخل حدود محمية وادي الجمال الطبيعية بمرسى علم.

3 – هتلاقي في المتحف الزي التقليدي للرجل والمرأة العبادية والأدوات اللي بيستخدموها في احتياجاتهم اليومية زي الرحى والأواني المنزلية ولحد الدروع والخناجر التقليدية، كمان بيوفر المتحف كل المعلومات عن المنطقة وتاريخها البيئي والثقافي.

4 – في وقت قصر أصبح المتحف من أهم الأماكن اللي بيحرص زوار المحمية من المصريين والأجانب على زيارته والتعرف على المورث الثقافي لقبيلة العبابدة والتعرف على العادات والتقاليد للسكان المحلين بالمحمية.

5 – هتقدر وأنت بتزور المتحف تتعرف أكتر على أكلات ومشروبات القبيلة الشهيرة، ومنها السلات والجابوري وشرب الجبنة.