Mohamed Talaat
المتحف القومي للحضارة المصرية في الفسطاط قريب جدًا هيستقبل موميات المتحف المصري في التحرير، اللي هتتنقل له ضمن خطة الحفاظ عليها وعلشان كده محافظة القاهرة أنجزت تطوير وتجميل الطريق اللي هيتم من خلاله عملية النقل واللي هتكون منقولة مباشرة على الهواء للعالم كله.
أحمد فؤاد، نائب محافظ القاهرة، أكد انه فيه إنجاز كبير حصل في تطوير خط سير المومياوات من التحرير إلى مصر القديمة، وتم دهان 75 مبنى يمين وشمال مسجد عمرو بن العاص باتجاه الكورنيش، وكمان خلصت المحافظة دهان 5 أماكن لصناعة الفخار هتكون موجودة في الطريق لمتحف الحضارة.
كمان الطريق اللي هتمشي فيه المواكب اللي هتنقل الموميات هيكون أخضر، بعد ما تم زراعة 150 شجرة، وتقليم وتجميل اللي موجود بالجزيرة الوسطى في شارع الفسطاط، وركبوا سور صاج أعلى كوبري العاشر بطول 35 متر كساتر للمباني، وصبت المحافظة 1000 بلورة يمين وشمال الطريق.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
