The Definitive Guide to Living in the Capital , Cairo , Egypt

مصر عندها كنوز تاريخية من أقدم الكنائس في العالم، اللي بتحكي حكايات مليانة سلام ومحبة مستوحاة من روح السيد المسيح عليه السلام. ومع رحلة العائلة المقدسة اللي مرت بمصر، اتبنت كنائس بتشهد على التاريخ ده، وعلشان كده قررنا النهاردة نعرفكم على أقدم 5 كنائس موجودة في القاهرة واللي تقدروا تزوروها وتستمتعوا بجمالها وروحانيتها.

الكنيسة المعلقة

من أشهر وأقدم الكنائس في مصر! الكنيسة المعلقة موجودة في حي مصر القديمة، بجانب مسجد عمرو بن العاص. هي أول مقر للبطاركة في القاهرة، وبتضم 13 عمود بيمثلوا السيد المسيح والرسل الـ12. كمان فيها حوالي 90 أيقونة موزعة على الجدران.
سبب تسميتها بـ”المعلقة” إنها مبنية فوق برجين من أبراج حصن بابليون بارتفاع 13 متر عن الأرض، وتم بناءها في أواخر القرن الرابع الميلادي.

كنيسة أبي سرجة

دي واحدة من الكنائس المرتبطة برحلة العائلة المقدسة، وبيُقال إنهم لجأوا ليها مرتين! الكنيسة معروفة كمان باسم “كنيسة القديسين سرجيوس وباخوس”، وموجودة في حي مصر القديمة.
اتبانت الكنيسة فوق أطلال قلعة رومانية، ومكانها بيتميز بتصميم معماري فريد بيجمع بين البساطة والجمال. أهم معالمها المغارة اللي تحتها، والإنبل، وحجاب خشبي مطعم بالعاج، ورسومات دينية رائعة.

كنيسة القديسة بربارة

موجودة في حي مصر القديمة، وتحديدًا خلف دير مار جرجس. الكنيسة دي بتجمع بين التاريخ والجمال، واتبانت بين أواخر القرن الرابع وأوائل القرن الخامس الميلادي.
القديسة بربارة اللي الكنيسة على اسمها كانت معروفة بجمالها وقوة إيمانها، ودي واحدة من الحكايات اللي بتميز الكنيسة دي.