The Definitive Guide to Living in the Capital , Cairo , Egypt

البعثة الأثرية في منطقة جبل السلسلة في أسوان أعلنت عن اكتشاف جديد، وهو عبارة عن الميناء الرئيسي اللي كان بيستخدم لنقل الحجارة من منطقة محاجر جبل السلسلة عن طريق النيل، وكنت الأحجار دي بتستخدم في بناء المعابد.

مصطفى وزيري – الأمين العام للمجلس الأعلى للآثار في مصر – قال لوكالات مختلفة إن موقع الميناء ده على الناحية الشرقية من نهر النيل، وطولها حوالي 100 متر، واللي أكد إنها كانت بتستخدم لنقل الحجارة هو إنها بتبعد حوالي 200 متر بس عن مكان استخراج الأحجار الكبيرة.

الميناء ده كان مش مستكشف بسبب إنه كان مطمور بطمي وحشايش النيل، لكن بعد ما قدرت البعثة إنها تنضف المنطقة دي، ظهرت علامات كتير ونقوش ورواسي وأماكن ربط المراكب لتحميل الحجارة عليها.

مدير عام آثار أسوان والنوبة “عبد المنعم سعيد” قال في تعليقه على الاكتشاف ده إن منطقة محاجر جبل السلسلة تعتبر من أكبر وأهم المحاجر المستخدمة لقطع الحجر الرملي في مصر ويمكن في العالم كمان.

 وبدأ استخدام النوع ده من الأحجار في بدايات عصر الأسرة 18 واستمر لحد عصور حديثة، وفعلياً معابد كتير زي الكرنك، والأقصر، وهابو، ومعبد كوم أمبو، وأدفو، وإسنا، ودندرة اتبنوا من حجارة المحاجر دي.