اخلع همومك.. أنت في حضرة “السيدة نفيسة”
آل البيت تاريخ مسجد السيدة نفيسة تجديد مسجد السيدة نفيسة عنوان جامع السيدة نفيسة مساجد أثرية في مصر مساجد مصر
Cairo 360
عمر مراد
“كنا دائمًا نشعر بالأمان والراحة النفسية هنا”، ده اللي قالته المهندسة “جاكلين سمير” المشرفة على تطوير مسجد “السيدة نفيسة”. السكينة في المكان بتوصل للجميع بغض النظر عن المعتقد أو الدين، المسجد فعلًا قادر يوهب لكل اللي بيزوره الأمان وراحة البال. بعد تطويره وترميمه، فتح لنا مسجد السيدة “نفيسة” بابه من جديد، بعد ما أصبح تحفة معمارية ممزوجة بتراث الماضي مع لمسة فنية عصرية، والتطوير شمل كل تفصيلة في المسجد.
بين جدران “السيدة نفسية” هتشعر براحة نفسية كبيرة، وهتفرح لما هتحس إن الهموم بعدت عنك تمامًا وراحة البال قربت منك. المسجد له حكاية مميزة تعالوا نعرفها.
المسجد كان بيت للسيدة نفيسة، بتتعبد فيه، أول ما رحلت عن عالمنا، دفُنت فيه لحد ما أمر “عبد الله بن السري” حاكم مصر في ذلك الوقت ببناء مقام فوق قبرها، علشان كدا المكان أصبح وجهة لكتير من المصريين اللي عشقوا السيدة نفسية، لكن بمرور الزمن المكان بدأ يتهالك، لغاية ما أمر السلطان “الخليفة الحافظ لدين الله” بتجديد المقام مرة ثانية.
طب ومين اللي بنى المسجد؟ اللي بنى المسجد السلطان محمد ناصر بن قلاوون، اللي أمر ببناءه بجانب المقام علشان زوار السيدة يقدروا يصلوا.
وفي عهد الخديوٍ عباس حلمي الثاني حصل حريق كبير في المسجد، وده كان السبب في تجديده وتطويره وقتها، ومرت سنوات طويلة، لغاية ما قررت الحكومة المصرية في عام 2022 تجديده وتم افتتاحه في عام 2023.
المسجد موجود في منطقة السيدة عائشة ودي منطقة متميزة بوجود مساجد لآل البيت ومساجد أثرية، زي مسجد أحمد بن طولون، ومسجد الإمام الشافعي.
