The Definitive Guide to Living in the Capital , Cairo , Egypt

برج القاهرة اللي موجود في جزيرة الزمالك بالقرب من النادي الأهلي ودار الأوبرا المصرية، له مكانة خاصة عند المصريين، وفي وقت بناءه اللي انتهى عام 1961 بعد 5 سنوات من العمل كان بيعتبر تاني أعلى برج في العالم.

كمان برج القاهرة بيعتبر مزار سياحي بيحبه كل المصريين والعرب والأجانب، لأن من خلاله بيقدروا يشوفوا القاهرة الجميلة بنيلها ورونقها وجمالها من ارتفاع 187 متر.

مصمم البرج هو المهندس الشهير نعوم شبيب، وتم تصميمه على شكل زهرة اللوتس، وفي السطور اللي جاية هنقولكم على 5 معلومات تعرفكم أكتر على البرج وتاريخه.

القاهرة من البرج

1- برج القاهرة ارتفاعه أعلى من الهرم الأكبر “خوفو” بـ43 متر.

2- قاعدة البرج مصنوعة من جرانيت أسواني فاخرة كان بيستخدم في بناء الأهرامات.

3- تقدروا تشوفوا من فوق البرج “االفنادق – مبنى التلفزيون – أبو الهول – النيل – قلعة صلاح الدين – الأزهر” وغيرها من معالم القاهرة.

4- البرج فيه مطعم دوار، تقدروا تاكلوا فيه وأنتم شايفين القاهرة من كل الاتجاهات.

5- تكلفة بناء برج القاهرة في وقتها وصلت لـ 6 مليون جنيه، واترمم في 2008 بتكلفة 15 مليون جنيه.