The Definitive Guide to Living in the Capital , Cairo , Egypt

الأكل الإيطالي بقى له مكانة كبيرة في قلب السوق المصري، وخصوصًا عند الناس اللي بتحب الأكل الخفيف والمشبع في نفس الوقت. ومع الزحمة والضغط اليومي، ساعات بتحتاج تخرج تاكل أكلة مختلفة تظبط بيها مودك. وعلشان كده، جمعنالك 5 من أحلى المطاعم الإيطالية اللي لازم تجربهم، مش بس علشان الطعم، لكن كمان علشان الجو العام والخدمة اللي بتميزهم.

لوسيندا

من المطاعم الراقية جدًا في الشيخ زايد، المكان شكله فخم وديكوراته مميزة، وهتحس إنك في عزلة هادية عن الزحمة. المنيو فيه اختيارات متنوعة ترضي كل الأذواق.

العنوان: أركاديا بلازا – الشيخ زايد.

رقم التليفون: 01201130000

تقدروا تعرفوا عنهم من خلال صفحة الفيسبوك من هنا.

أيادينا

واحد من الأماكن اللي بتهتم بكل تفصيلة، من أول جودة الأكل لحد الخدمة. المنيو متنوع جدًا، سواء كنت رايح تفطر أو تاكل غدا أو حتى تاخد حاجة حلوة.

العنوان: إير مول – مدينتي.

رقم التليفون: 16267

تقدروا تعرفوا أكتر عنهم من خلال صفحة الفيسبوك من هنا.

ريفيرا

لو عاوز تعيش تجربة إيطالية متكاملة، ريفيرا هو المكان المناسب. ديكورات مميزة، جلسات مريحة، وأطباق تحسسك إنك في قلب روما مش القاهرة.

العنوان: فندق فور سيزون نايل بلازا – شارع مراد.

رقم اتليفون: 0227916875

تقدروا تعرفوا أكتر عنهم من خلال صفحة الفيسبوك من هنا.

مستر موسى

فرعهم الأساسي في ميلانو، وده لوحده كفيل يخليك تجربهم. بيقدموا مخبوزات ومشروبات إفطار زي اللي بتتقدم في إيطاليا بالظبط، وكمان عندهم بيتزا نابولي معمولة على الحطب وسط ديكور إيطالي أصيل.

العنوان: 24 شارع 231 دجلة المعادي.

رقم التليفون: 01555447544

تقدروا تعرفوا أكتر عنهم من خلال صفحة الفيسبوك من هنا.

La Città

مطعم بياخدك لأجواء الحياة الإيطالية من أول ما تدخل. منيو الفطار فيه كرواسون ومشروبات، أما الغدا فهتلاقي وجبات رئيسية بطعم إيطالي أصيل.

العنوان: بوابة 2 – مول العرب – أكتوير.

رقم التليفون: 0236121221

تقدروا تعرفوا أكتر عنهم من خلال صفحة الفيسبوك من هنا.