وردة وشمعة وأكلة حلوة.. 5 مطاعم لخروجة رومانسية في الفالنتين
الفالنتين 2023 خروجة الفلانتين عيد الحب عيد الحب 2023 مطاعم رومانسية مطاعم عيد الحب مطعم رومانسي
Mohamed Talaat
الخروجات يوم عيد الحب طعمها مختلف، وإحساسها بيكون عالي، علشان كدة بنشجعكم تخرجوا في المناسبة الحلوة دي في مكان رومانسي لطيف تعيشوا فيه اللحظة، وده علشان تغيروا الموود وتحركوا مشاعركم اللي بقت صلبة وسط ضغوط الحياة.
خلال السطور الجاية هنقول لكم على 5 مطاعم مميزة تقدروا تخرجوا فيها في الفالنتين، وهابي فالنتين داي علي المرتبطين، وربنا يكون في عون السناجل بقى.
Telal
مطعم رومانسي جميل في المقطم بيوفر الخصوصية وعندهم كباين شفافة تقدروا من خلالها تشوفوا مصر من فوق واللي منظرها هيبهركم.
وتقدروا تعرفوا أكتر عنهم من خلال صفحة الفيسبوك من هنا.
Fish & Ships
المكان ده في وسط البلد ومش مهم تاكل، هما عاملين ديكورات مميزة تقدروا تتصوروا بس وتمشوا، وشعارهم “لو ماكلتش اتصور” لكن لو عاوزين تاكلوا هتاكلوا أحلى فيسفور ممكن تدوقوه بناء على تجارب كتير لنا.
تقدروا تعرفوا أكتر عنهم من خلال صفحة الفيسبوك من هنا.
Soly’s
جربتوا تاكلوا فوق السحاب؟!، ده بقى المطعم اللي هيخليكم تشوفوا السحاب بفيو ولا أروع من جبل المقطم هيخليكم تتصوروا أحلى صور وتختاروا أكل من المنيو اللي فيه اختيارات كتير عندهم.
تقدروا تعرفوا أكتر عنهم من خلال حساب انستجرام من هنا.
Crimson
هتشوفوا الزمالك بشكل مختلف من فوق وهتستمتعوا بفيو للنيل والمنطقة كلها بفيو مميز هيخليكم تنبهروا، وطبعًا يفضل تروحوا بدري قبل غروب الشمس علشان الصورة تطلع حلوة زي الأكل بتاعهم.
تقدروا تعرفوا أكتر عنهم من خلال صفحة الفيسبوك من هنا.
Opia
وسط البلد وحدها حكاية، لكن من الفيو بتاع المطعم ده حقيقي هتقولوا “أكاد من فرط الجمال أذوب”، وهتشوفوا نيل القاهرة وكوبري قصر النيل وممشى أهل مصر والعجوزة بشكل مميز جدًا.
وتقدروا تعرفوا أكتر عنهم من خلال صفحة الفيسبوك من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
