من إسطنبول للقاهرة: 5 مطاعم تركية بتقدم تجربة استثنائية
أكلات تركية الأكل التركي الشيف بوراك المطبخ التركي تجربة الأكل التركي ديكور تركي ديكورات فخمة سراي سلطان سراي عروض نتروجين مطاعم تركية مطاعم عائلية مطاعم عثمانية مطاعم في الشيخ زايد مطاعم في القاهرة مطاعم في المعادي مطاعم في سيتي ستارز مطاعم في مدينتي معالم إسطنبول في القاهرة نيشانتاشي هانم أغا
Cairo 360
رنا شرف
الطعم التركي مش بعيد عننا، لأن فيه تشابه كبير بين المطبخ التركي والمصري، سواء في أكلات زي المحاشي، البامية، أو الفريك باللحمة. لو نفسك تجرب الأكل التركي الأصيل، جبنالك 5 من أحسن المطاعم التركية في القاهرة. تعالَ نتعرف عليهم سوا!
الشيف بوراك: عرض وطعم
مطعم “الشيف بوراك” اكتسب شهرة كبيرة في وقت قصير. مش بس الأكل هناك طعمه تحفة، لكن العرض (الشو) اللي بيقدمه الشيف وفريقه بيخليك عايز تروح حتى لو بس عشان تتفرج. الديكورات فخمة جدًا، والجو العام يديك إحساس إنك في قصر عثماني. صحيح الأسعار شوية مرتفعة، لكنها تجربة تستاهل.
المكان: فندق تريومف ليكشري القطامية
صفحة فيسبوك
سلطان سراي: رحلة في الزمن العثماني
“سلطان سراي” مش مجرد مطعم، ده تجربة متكاملة، من ملابس الموظفين المستوحاة من التراث التركي، للشو بالنتروجين اللي بيعملوه للأطباق. الجو العام هناك هيخليك تحس إنك عايش في أجواء السلطانة هيام!
المكان: مدينتي
صفحة فيسبوك
نيشانتاشي: أكل تركي بسعر معقول
لو عايز تجربة تركية هادية وبأسعار معقولة، “نيشانتاشي” هو اختيارك المثالي. المطعم في سيتي ستارز، بيقدم أكلات تركية تقليدية من غير استعراضات كبيرة، لكنه بيركز على الطعم والجودة.
المكان: مول سيتي ستارز
الموقع الرسمي
سراي: شو وطعم مميز في الشيخ زايد
“سراي” واحد من المطاعم اللي بتمزج بين الأكل التركي الأصيل والشو اللي بيميز المطاعم التركية. المكان بيقدم صواني وأوبن بوفيه بأسعار حلوة ومناسبة للعائلات.
المكان: الشيخ زايد
صفحة إنستجرام
هانم أغا: الطعم الحلو بسعر على قد الإيد
“هانم أغا” من المطاعم الجديدة اللي بتقدم أكل تركي لذيذ وبأسعار مناسبة جدًا مقارنة بالمطاعم التانية. لو ساكن قريب من المعادي، جربه ومش هتندم.
المكان: المعادي
صفحة إنستجرام
جربت أي مطعم من دول قبل كده؟ شاركنا تجربتك!
مقترح
مطاعم
خروجات آخر الشهر.. أكل لذيذ بأسعار على قد الإيد!
أكل رخيص الزمالك +8
الحياة في كايرو
