The Definitive Guide to Living in the Capital , Cairo , Egypt

التاريخ أثبت إن احتفالات شم النسيم عيد مهم عند المصريين من أكتر من 7000 سنة! ولأنه من الأيام المميزة اللي كل الشعب بيستناه، لازم نحتفل بيه على أصوله. ومن غير فسيخ ورنجة، اليوم مش هيكمل! وعلشان كده، حبينا نقولكم على 5 مطاعم بتقدّم الرنجة والفسيخ بجودة مميزة وطعم يخلّي اليوم ده أحلى بكتير.

ويلا بينا نبدأ بالمطاعم اللي هتخطف قلبك قبل معدتك!

أبو هنا

من أنضف الأماكن اللي تجربتنا فيها مميزة بأكلات الرنجة والفسيخ اللي بتخطفنا كل مرة، وخلينا نقول إنه ترشيحنا الأول لأنه بيجمع ما بين الجودة العالية والخدمة المميزة والنظافة، والأطباق عندهم متوسط سعرها 100 جنيه.

العنوان: شارع سكة راتب أمام مركز شباب عابدين – الحلمية.

رقم التليفون: 01021132858

تقدروا تعرفوا أكتر عنهم من خلال صفحة الفيسبوك من هنا.

ملك الرنجة

من أول الناس اللي عملت مكان متخصص للرنجة والفسيخ، وعندهم افتكاسات لطيفة وخفيفة زي الحواوشي وغيرها، ورغم إن المكان في حتة مخفية، إلا إنه ليه سمعة طيبة وشهرة وسط محبّي الرنجة والفسيخ.

العنوان: 11 شارع يوسف أبو حربية – خلف مديرية أمن القاهرة – الدرب الأحمر.

رقم التليفون: 01222933317

تقدروا تعرفوا أكتر عنهم من خلال صفحة الفيسبوك من هنا.

الحمادي

من الناس القديمة اللي بيشتغلوا في الرنجة والفسيخ، وبيقدموا شوية افتكاسات زي حمص بالرنجة، وفسيخ ناتشوز، ورنجة بالمانجا، ورنجة بايتس وغيرها، وأسعار الأطباق عندهم بتبدأ من 115 جنيه.

العنوان: الشيخ زايد – محور ٢٦ يوليو – بنزينة شيل أوت – امام جاليريا ٤٠

رقم التليفون: 01115055049

تقدروا تعرفوا أكتر عنهم من خلال صفحة الفيسبوك من هنا.

الأشقر

عندهم مجموعة مميزة من الفسيخ والرنجة الكلاسيكية بطعم مميز وأوريچنال، وكمان سلطات وسندوتشات، والأسعار عندهم بتبدأ من 70 جنيه للساندوتش، و95 جنيه لربع كيلو الرنجة، و240 جنيه لربع الفسيخ.

العنوان: 7 ميدان طهران متفرع من شارع مصدق – الدقي.

رقم التليفون: 01201334469

تقدروا تعرفوا أكتر عنهم من خلال صفحة الفيسبوك من هنا.

سلاحف الرنجة

دول بقى رغم إنهم مكان مش كبير، لكن منتجاتهم قيمتها كبيرة، وبيقدّموا سوشي وستريبس ورنجة بالبشاميل واختراعات تانية كتير. الساندوتش عندهم بيبدأ من 10 جنيه، والطبق من 80 جنيه، والعروض بتاعتهم بتبدأ من 70 جنيه.

العنوان: 111 شارع محمد فريد – بجوار فرع قطونيل – عابدين.

رقم التليفون: 01111751229

تقدروا تعرفوا أكتر عنهم من خلال صفحة الفيسبوك من هنا.