The Definitive Guide to Living in the Capital , Cairo , Egypt

لسه
فيه مطاعم وكافيهات كثير بـ تفتح كل يوم في العقار رقم 33 في شارع أبو الفدا في
الزمالك، وآخر محل فتح الشهر ده كان «فيش مكان – Fish Makan» وهو مطعم سي فوود شكله لطيف، وهو تابع لنفس ملاك مطاعم «موري
سوشي».

المطعم
عبارة عن دورين في مساحة خارجية مفتوحة، وجزء داخلي صغير بـ يعرض الأسماك المجمدة
اللي ممكن تختار منها. الكراسي والترابيزات باللون الأبيض وغطاء الترابيزات
كاروهات باللون الأزرق بـ يشيلوه بعد ما نخلص أكل السمك بكل الفوضى بتاعته.
المزيكا اللي كانت شغالة وقت زيارتنا كانت أغاني فرنسية كلاسيكية، وكانت متداخلة
مع أغاني عبد الوهاب اللي خارجة من المطعم المجاور وطبعًا أفسدت الموود كله.

بجانب
أطباق الأسماك التقليدية، المطعم بـ يقدم شوربة سي فوود أرز الصيادية (18 جنيه)
وأرز أخضر (23 جنيه) وباستا السي فوود (55 جنيه)، ومنيو المشروبات في رأينا كان
أغلى من اللازم، يعني عصير برتقال بـ 22 جنيه! والمشروبات الغازية بـ 14 جنيه،
والمياه المعدنية بـ 9 جنيه. فيه شوية كوكتيلات وسموزي زي لكن في النهاية اختارنا
عصير ليمون عادي بـ 24 جنيه!

فيه منيو مخصوص للأطفال فيه أكلات زي باستا بالقواقع
والسي فوود (35 جنيه) وبوب كورن الجمبري وصوابع السمك المقلي بنفس السعر.

طلبنا
طبق الدنيس المشوي بالتوابل الحارة (36 جنيه) ووحدتين كابوريا (70 جنيه) و6 وحدات
جمبري مقلي كبير (160 جنيه)، وللمشهيات طلبنا صوص التاراما وهو كريمة الكافيار
اليونانية (35 جنيه) وسلاطة الرنجة بالليمون اللي جاءت لنا في طبق واحد لكن اتحسبت
في الفاتورة على أنها “2 سلاطة رنجة” مش واحدة فقط ودفعنا 40 جنيه. صوص
التاراما كان كريمي ولذيذ وخلصناه بسرعة بالعيش الأبيض اللي بـ يقدموه (11 جنيه)،
والرنجة كانت مهروسة وغرقانة في زيت الزيتون والليمون ومملحة جدًا طبعًا.

الحاجة
المميزة في الأكل كانت الجمبري المقلي الكبير، تم تقديمه ساخن ومعاه صوص التارتار،
وده أكثر حاجة ممكن تخلينا نرجع للمحل أكثر من مرة. لكن مش نفس الكلام بالنسبة
للكابوريا، واحدة من الاثنين كانت معمولة من غير أطرافها اللي بـ يبقى فيها لحم
كثير! والطعم كان ماسخ شوية مش فيه توابل كفاية ده غير أنها ما كانتش فريش زي ما
توقعنا، وبالـ 70 جنيه اللي دفعناهم لا شبعنا ولا انبهرنا!

السمك
الدنيس كان طبق رئيسي هائل، لكن حجمه الصغير بـ يخليه يا دوب يكفي شخص واحد من غير
مشاركة مع أحد. كان مشوي من الخارج كويس وكان مقرمش كفاية، واللحم الأبيض من جوه
ما كانش مهري أو مستوي بزيادة ولا عليه توابل حارة بزيادة برضه. الطبق كان مثالي
مع أرز الصيادية والخضار السوتيه اللي طلبناه وكان بـ 14 جنيه.

ومن
غير الطلبات الجانبية دي كنا عمرنا ما هـ نشبع من أكل الأسماك وبس. السمك في «فيش
مكان» لذيذ ومعمول كويس، لكن بـ نتمنى أن إدارة المحل وبعد فترة التجربة في الأيام
الأولى بعد الافتتاح تعالج بعض المشاكل في المطعم زي الفاتورة الملخبطة والكابوريا
وبعض الأسعار غير المنطقية.