The Definitive Guide to Living in the Capital , Cairo , Egypt

شريحة كبيرة من المصريين عندهم عشق بالأكل السوري، واللي هو يعتبر أقرب حاجة للأكل المصري من حيث الطعم الحلو والجودة، وفي السنين الأخيرة انتشرت في مصر مطاعم سورية كثيرة وبقى المطبخ السوري حاجة مهمة في حياة كثير مننا، وحاليًا موجود في المعادي مطعم جديد اسمه “صنع في دمشق”، وبيقدموا تجربة مميزة للأكل السوري الأصيل في قلب المعادي، ورغم أننا عرفنا بالمكان صدفة وإحنا بنتمشى إلا أننا قررنا نجربهم علشان نقولكم تفاصيل تجربتنا اللي كلها مفاجآت وحبشتكنات.

صنع في دمشق موجود جوا مبنى مبهر في شارع 213 في دجلة المعادي، عبارة عن قصر شبيه بالمباني التاريخية لكنه حديث. وكان اسم المكان ملفت علشان كده سألنا وعرفنا تفاصيله وقررنا ندخل وكانت البداية أن المكان دور كامل مستقل بسلم خاص، وأول ما تدخلوا هتسمعوا صوت الموسيقى السورية والديكور السوري بذوقه الجميل، ووسط المكان فيه لوحة كبيرة عليها فنانين من أصول سورية.

بدأنا تجربتنا بسلطة الحمص اللي سعرها 59 جنيه، وشوربة عدس سعرها 49 جنيه، وكان طعمهم حلو وكميتهم كبيرة.

وجربنا من الأطباق الرئيسية “أوزي” بسعر 219 جنيه، وكان عبارة عن عجينة جلاش جواها أرز وبسلة ولحمة مفرومة، وكان الطعم حكاية.

وبعد كده قررنا نجرب “موزة الفخار”، اللي سعرها كان 249 جنيه، وكانت عبارة عن طاجن فخار فيه موزة بالصلصة، وكان معاها أرز والطعم كان مميز وعجبنا.

تجربتنا في صنع في دمشق كانت لطيفة وانبسطتنا من الأجواء والخدمة والمعالمة اللطيفة والأكل المميز.

شوفوا فيديو لتجربتنا في المكان!

 

 

 

 

 

View this post on Instagram

 

 

 

 

 

 

 

 

 

 

 

A post shared by Rana Charaf (@rana_charaf_)