The Definitive Guide to Living in the Capital , Cairo , Egypt

محل ساندويتشات مصري شكله مهتم بالابتكارات والستايل
بتاعه لو هـ نتكلم من ناحية التقديم؛ من أسماء وجباتهم لتصميم المنيو وطريقة طلب
الأكل. برضه دي طريقة يتنافس بها مع سلاسل مطاعم الأكل السريع الكبيرة ويقف وسط
محلات الساندويتشات المتزايدة في القاهرة.

«شطشط – Shatshat»
محل ساندويتشات جديد في مدينة نصر، وعنده منيو مليان باختيارات سبايسي، مغرية،
وتجري الريق. ممكن تختار واحدة من وجبات “الأرز المفلفل” مع كبدة الفراخ
(7.5 جنيه)، ومعاها شوية تحابيش على الجنب، أو لو هـ تقدر عليه شوية حواوشي حراق بجد
أو “حواوشطشط” زي ما هما بـ يسموه هناك (10 جنيه).

لمحبي الشاورمة، أكيد هـ تضايقوا لمّا تعرفوا أن «شطشط»
يبقى واحد من محلات الساندويتشات القليلة في البلد اللي مش بـ تعمل ساندويتشات
شاورمة. لكنهم بـ يعوضوك عنها بساندويتش “ميامي تشيكن” (11.75 جنيه)
اللي هو في الآخر برضه ساندويتش شاورمة بالفلفل الأحمر والأخضر اللي بـ يعطوا نكهة
مسكرة للفراخ.

لو أنت مش
غاوي أكل سبايسي، يبقى اطلب ساندويتش الفراخ البانيه (12 جنيه) علشان تبقى في
السليم، والخبر الحلو أنهم مش مجرد بـ يحمروا فراخ مجمدة من العلب زي باقي محلات
الأكل السريع، لأ عندهم الفراخ متبلة ومعمولة زي ما بـ تتعمل في البيت بالضبط، وده
بـ يخلّي الأكل مقرمش أقل لكن طِعِم جدًا.

رغم أننا
طلبنا وجبة الكفتة (25 جنيه) معاها بطاطس محمرة كصنف جانبي، لكن جاء لنا معاها
أرز، وأكيد هما بـ يعملوا الأرز بتاعهم سبايسي، رغم أنه كان برضه طازج ومعمول حلو.
تحت الكفتة في آخر الطبق كان فيه طماطم وبصل وفلفل شكلهم ذبلان شوية، لكنها كانت
مشوية مظبوط ومعاها سلطة كول سلو وثومية على الجنب.

لو مش عاوزين
تطبخوا حاجة يوم الأجازة، «شطشط» بـ يحتفل بالويك إند مع الوجبات العائلية الخاصة.
منيو الويك إند المكون من 4 وجبات فيه وجبة ميكس جريل (80 جنيه)، ودي عبارة عن تشكيلة
من الفراخ، وشيش الطاووق، والكفتة، كلهم متبلين بخلطة أعشاب «شطشط» الخاصة. المنيو
كمان فيه وجبة “بمبوطي” فواكه البحر (80 جنيه) اللي بـ تُقدم مع أرز،
سلاطة، وعيش.

«شطشط» ممكن
ما يبقاش متمكن قوي لسّه، لكن هما ماشيين في الطريق الصح. ساندويتشاتهم حلوة
والخدمة كويسة جدًا في أغلب الحاجات، لكن تأكد أنك واخد الطلبات الصح قبل ما تأخذ
أكلك وتمشي.