The Definitive Guide to Living in the Capital , Cairo , Egypt

مطاعم القاهرة بـ تتبنى مبدأ “الأكبر حجمًا هو الأفضل”. عمومًا، لازم نفتكر أن الحاجات الحلوة دائمًا كميتها قليلة. المطعم البسيط “سيكس بايتس – Six Bites” فى المهندسين متخصص فى المقبلات الطازجة.

المحل الصغير بواجهته الزجاجية سهل يفوتك. رغم محاولتهم إضفاء انطباع أنه شركة لخدمات تقديم الأكل فى المناسبات، الثلاجتين الموجودين فى آخر المكان فيهم مجموعة من القطع الحادقة والحلوة الجاهزة للشراء. فى حالة الطلب مقدمًا –اللى المفروض يستغرق كام يوم للتحضير– المنيو تحتوى على تشكيلة كبيرة من المينى ساندويتش والحلويات تقدر تختار من بينهم، أما بالنسبة لنا قدرنا نعرف مين فيهم أشهى أنواع. الأسعار بـ تكون بالكيلو (100: 200 جنيه)، بالقطعة (2.5: 5 جنيه) أو للأطباق الجاهزة (140: 180 جنيه).

طلبنا تشكيلة من القُرص المينى بحجمها الممتاز وشكلها الأنيق لأطباق المناسبات، بداية من أصناف الفراخ والجبن التقليدية، لغاية كوكتيلات الأسماك المختلفة. عجينة القرص الطازجة المحضرة يوميًا كانت طرية وخفيفة، وقدرت تتحمل الحشو الغنى بنكهته الرائعة.

المفضل لنا كان الكريمى موتزاريلا مع الطماطم المجففة (2.5 جنيه)، اللى تقدر تعتبرها بيتزا صغيرة. حاجة ثانية شهية وغير تقليدية هى اللبنة بالزعتر (2.5 جنيه) بطعمها الخفيف اللذيذ. السلامون المدخن كمان كان ممتع ويكمله حشو دسم، سلاطة طازجة وشريحة ليمون صغيرة. الجبن الأزرق مع عين الجمل لسوء الحظ –رغم أن الجبن جودته كويسة– كان طعمه قوى بزيادة، ونفس الكلام بالنسبة لاختراع شركسية الجبن الأبيض (2.5 جنيه). رغم تأكيدات الموظف المسئول أن اللحم طازج، اللون الداكن فى اللحم حسسنا بالقلق من تجربة ساندويتش البيكون روست بيف والخس (3 جنيه).

بالنسبة للحلو،  كل قطعة كانت ألذ من الثانية. تارت الشوكولاتة عليه كمية كبيرة من رقاقات الشوكولاتة، أما من الداخل فمحشية شوكولاتة غنية لذيذة. حلوى البلوبيرى كان فيها قشدة مسكرة، ونفس الكلام بالنسبة لابتكاراتهم من الفواكة الموسمية. قطع  صغيرة من التشيز كيك بالكراميل والفراولة كانت استثنائية بطعمها المسكر السميك.

رغم مكانه البسيط، سيكس بايتس بـ يقدم مقبلات رائعة بأسعار أكثر من ممتازة، وبالتالى يعتبر اختيار ممتاز لتقديم الأكل فى المناسبات.