The Definitive Guide to Living in the Capital , Cairo , Egypt

فيه أوقات في الحياة بـ يبقى الواحد حابب فيها يدلع نفسه والناس اللى حوله،
الأوقات دي زي مثلاً لما تكون بعيد عن أقاربك في بلد ثانية في الكريسماس وحاسس أن
الناس نسيتك (على الرغم أنك ممكن تبعث لهم هدايا بـ FedEx) أو لو مثلاً صاحبتك المقربة سابها صاحبها.

في مرة كنا متضايقين جدًا انتهى بنا الأمر أننا دخلنا فندق سوفيتيل القاهرة
بالجزيرة في الزمالك علشان نأكل أكل كويس ومريح بالنسبة لنا. لو كنت رحت الفندق
قبل كده، أنت أكيد هـ تصدقنا لما نقول أنه حتة من الجنة موجودة فى الزمالك، وعلى
الرغم من الجو البارد اليومين دول قررنا أننا نقعد فى الجزء الخارجي وسط النخيل
جنب النيل ولأننا كمان كنا عايزين ندخن لأنه ممنوع فى الجزء الداخلى، لو كنا جئنا
فى فترة الغذاء أكيد الجو كان هـ يبقى أفضل.

«سود – Sud» بـ يقدم
وجبات أفطار، وغذاء، وعشاء على شكل بوفيه مفتوح، على الرغم أننا مش من محبى
البوفيهات قوي لكن تجربتنا في “سود” قد تكون غيرت لنا رأينا شوية، طبعًا
الامتياز الموجود فى البوفيهات هو أنك ممكن تأكل أكبر كمية ممكنة أنت عايزها،
وتقريبًا إحنا رحنا أخذنا مقبلات مرتين أو ثلاثة، بصراحة ما كناش قادرين، جربنا
الطحينة وكان طعمها مش معقول وكمان شوربة البطاطا المشطشطة اللذيذة مع لقيمات
السلامون وسلاطات باردة ثانية متنوعة، كان هناك على الأقل ثمانية أنواع مختلفة من
العيش وصوصات وسلاطات كثيرة جدًا زي الحمص، الثومية، والتزاتزيكي، وعجبنا جدًا
سلاطة الوالدروف (المكونة من تفاح وعين جمل ومايونيز وخس وكرفس) والتبولة.

كان إحساس حلو قوي أننا امتلأنا بالمقبلات اللذيذة، لأننا للأسف مالقيناش
الأطباق الرئيسية بنفس طعامة المقبلات وكانت مخيبة لأملنا، قطع لحم الضاني كانت
مطهوة بزيادة بدل ما المفروض تكون طهوها متوسط، وكمان اللحم البقري كان نفس الشيء.

لكن على النقيض كانت أطباق المأكولات البحرية مطهوة بشكل جيد جدًا، كان فيه
نوعين من السمك البحري: المشوي واللي بصوص الكريمة البيضاء، وأحلى حاجة في البوفيه
الرئيسي هو الركن الصحي اللى هـ تلاقي فيه تشكيلة من الخضروات والسمك المشوي.    

بوفيه الحلويات ما يتخيرش عن بوفيه المقبلات فى حلاوته. فيه ملايين من أنواع
كيك الشوكولاتة والموس، فطائر بالفراولة والكيوي وبفواكة ثانية والكريم بروليه
اللذيذ، لو أنت من محبى البسبوسة والكنافة أكثر مافيش مشكلة لأن هـ تلاقى هناك ركن
كامل من الحلويات الشرقية.    

بالتأكيد بعد كل اللى قلناه ده تكلفة العشاء هناك مش رخيصة خالص بالمرة، الأكل
فى البوفيه كلفنا 195 جنيه للفرد، ولكن بجد الأكل جامد –بصرف النظر عن بعض
الاستثناءات- وتقدر تأكل قد ما تقدر براحتك.

طاقم العمل فى “سود” ودود جدًا وبـ يلحقوك دائمًا بأطباق وأدوات
مائدة نظيفة طول الوقت، احرص أنك تقعد فى المنطقة بالخارج لأن القعدة بالداخل
روحها مش حلوة زي الثانية.