The Definitive Guide to Living in the Capital , Cairo , Egypt

رنا شرف

الحوواشي أكلة مصرية أصيلة، بتتعمل بمكونات بسيطة، هي كمان من الأكلات اللي بتدي دفء وطاقة، فهي مناسبة لأيام البرد اللي بتقرب مننا.

ولأن الحواوشي مصدر سعادة، خصوصًا لو مع شوية طحينة ومخلل وحاجة ساقعة، قررنا نعرفكم على أجمد 5 أماكن في القاهرة بيقدموا أجمد حواوشي، بسعر بيبدأ من أول 20 جنيه بس!

حواوشي الربيع

حواوشي الربيع بيقدم الحواوشي بأشكال مختلفة، زي حواوشي بالسجق سعره 55 جنيه، وحواوشي سادة سعره 45 جنيه.

حواوشي الربيع موجود في شارع محمد الإمبابي، مدينة التحرير، إمبابة.

 حواوشي الرفاعي

من الأماكن الحلوة والمعروفة في القاهرة، والحواوشي هناك في حتة تانية خالص، هتلاقوا حوواشي بالخضروات سعره 35 جنيه، والسادة بـ32 جنيه، وبالجبنة التركي اللي هي جبنة رومي بسعر 47 جنيه، وحواوشي بالدبل تشيز، وحوواشي بالجبنة والطماطم سعره 40 جنيه. المكان بجد مملكة عشاق الحواوشي.

العنوان: 87 شارع الشيخ ريحان – امام قصر عابدين.

حواوشي شلبي

شلبي معروف لكل عشاق الحواوشي، عنده كتير من الأنواع، زي حواوشي بالجبنة الموتزريلا بسعر 25 جنيه، وحواوشي مخصوص بـ20 جنيه، وحواوشي بالسجق بـ30 جنيه.

شلبي في 3 شارع سرايا الأزبكية، التوفيقية.

حواوشي آر بي جي

من الأماكن المشهورة في مصر الجديدة، عنده الحواوشي بـ40 جنيه للسادة، واللي بالجبنة سعره 52 جنيه، وبالخضار سعره 52 جنيه، والأكل فعلًا جودته عالية.

حواوشي آر بي جي في 204 شارع النزهة، ميدان الحجاز، مصر الجديدة.

حواوشينا

من الأماكن المسيطرة في منطقة المهندسين، عنده تشكيلة مختلفة من الحواوشي، بيبدأ سعر السادة الصغر من 20 جنيه، والكبير بـ40 جنيه.

العنوان: 10  شارع قناة السويس، ميت عقبة، المهندسين.