The Definitive Guide to Living in the Capital , Cairo , Egypt

لو
دائمًا بـ تدور على أحدث أماكن أكل بـ تفتح في كايرو، ومشكلتك أن الجديد بـ يبقى
غالي على مستوى الأكل اللي بـ يقدمه أو أسعاره معقولة لكن مش بـ يعمل الأطباق اللي
نفسك فيها، اكتشفنا مطعم هـ يوفر لك برجر محترم بأسعار منطقية وجودة حقيقية.

المطعم
هو «ديشز – Dishes» الموجود في منطقة دجلة في المعادي، مكان جديد وصعب أنك تلاقيه أو
توصل له وسط متاهات المعادي ووسط المحلات والبيوت اللي شكل بعضها. لكن ممكن تعرف
المحل لما تلاقي ترابيزات شكلها ملفت أمام المحل وعليها تندات للحماية من الشمس.
والناس بـ تكثر هناك بالليل لو الجو حلو وهـ تشوفهم قاعدين بـ يشربوا شيشة
وكابوتشينو وبـ يستمتعوا بوقتهم.

ديكور
مودرن أنيق بترابيزات باللون البني
الغامق مرصوصة بين القعدات اللي على شكل أكشاك (Booths) والمكان من الداخل كله محاط بالشبابيك وبـ توصل بين الجزء
الخارجي والجزء الداخلي. فيه زي بار في مدخل المطعم بـ يعمل مشروبات زي الميلك شيك
بالشوكولاتة والفانيليا والأوريو والفراولة بسعر 19 جنيه والسموزي بـ 20 جنيه.

«ديشز»
عنده قائمة من المشهيات زي قطع الدجاج المقرمشة (34 جنيه) وهـ تلاقي أجنحة الدجاج
(35 جنيه) والكاليماري المقلي (38 جنيه) كان رائع وبـ يتقدم مع تلال من الخس وصوص
التارتار لكن مش معاه صوص مارينارا.

صفحة
كاملة مخصصة للفاهيتا، ممكن تختار فاهيتا الدجاج (60 جنيه) أو اللحم (65 جنيه) أو
الجمبري (69 جنيه) ودجاج بالمشروم (65 جنيه). وممكن تختار طبق فيه 3 أنواع من
الدجاج واللحوم والجمبري بـ 75 جنيه. الفاهيتا بـ تتقدم على أطباق معدنية ومعاها
قطع بصل وفلفل سوتيه طازجة و3 قطع عيش تورتيا وكريمة دلعة وسلاطة البيكو دي جالو
المكسيكية.

فاهيتا
الدجاج والجمبري (62 جنيه) من الأطباق المميزة جدًا في «ديشز»، وبـ تتحضر في صوص
كريمة مزز بالليمون. فيه أطباق ستيك على الجريل (75 جنيه) وستيك بالروزماري (80
جنيه) وستيك كيساديلاس بعيش التورتيا المكسيكي (48 جنيه) وممكن تطلب نفس مكونات
الطبق لكن دجاج بدل ستيك وهـ يبقى أقل 15 جنيه. المأكولات البحرية موجودة بقوة كمان
في المنيو، الجمبري المشوي بـ 70 جنيه، طبق السمك والجمبري المشوي بـ 75 جنيه، ولو
هـ تزود عليهم كاليماري هـ يبقى الطبق بـ 82 جنيه.

لو
عاوز أكلات بسيطة وسريعة ممكن تطلب بيتزا أو باستا (من 30 لـ 40 جنيه) لكن لازم
نقول أن مافيش في البيتزا أي حاجة مميزة، مارجريتا عادية وسي فوود وهوت دوج. منيو
الساندويتشات فيه البرجر الكلاسيكي (36 جنيه) وبرجر بالجبنة (41 جنيه) وستيك
بالجبنة والبصل والفلفل والمشروم (39 جنيه).

الحلويات
مش كثير هناك، وقت زيارتنا ما كانش فيه غير تشيز كيك أو تشوكلت كيك، ودي إحنا
جربناها وكانت كويسة، لكن ثقيلة ودسمة حبتين وشربنا بعدها زجاجة مياه كاملة علشان
تقلل إحساسنا بالسكر!

«ديشز»
بـ يقدم تجربة غذاء أو عشاء هائلة ومكان جميل للقعدة، ولما الجو يدفى شوية في
الربيع مكان القعدة الخارجية تجذب أعداد أكثر بكثير من الزبائن.