دليلك لأفضل 5 مطاعم مشويات في القاهرة
أكل مشويات مشويات لحوم مطاعم مشويات مطاعم مصرية مطعم مشويات فراخ مطعم مشويات لحوم
Mohamed Talaat
مافيش أحلى من أكلة معمولة في سيخ وعلى شواية فحم، كفاية الريحة اللي أكيد هتجذبنا ليها، وأكل المشويات من أهم الأكلات اللي ممكن ندور عليها ونشوف مكان مميز بيعملها علشان نقدر نستمتع بلحمة طازة وطعم وجودة عاليين، وده أساس أكل المشوي. في الموضوع ده هنعرفكم على 5 من أشهر وأفضل مطاعم المشويات في القاهرة.
ستديو مصر
من أفخم الأماكن اللي ممكن تستمتع فيها بمشويات جودتها عالية وخدمة مميزة، وهما كمان بيجيبوا لكم الشواية لحد عندكم، وبيبقى عندهم عروض كتير مميزة كل فترة، وعن تجربة الأكل عندهم قيمة مقابل سعر.
تقدروا تعرفوا أكتر عنهم من خلال صفحة الفيسبوك من هنا.
قصر الكبابجي
من الأماكن الفخمة اللي بتقدم أكل مميز والانتظار عنده بيكون بالساعات، ورغم أن المكان صرح إلا أنه دايمًا مليان ومشغول، وهما من أشهر الأماكن اللي بتقدم مشويات بكل الطرق والأطعمة.
تقدروا تعرفوا أكتر عنهم من خلال صفحة الفيسبوك من هنا.
أبو شقرة
تاريخ كبير وقديم من الجودة والتميز في المشويات. تأسس سنة 1947، وله فروع كتير والميزة عنده أنه بيقدم أنواع لحوم كتير بتختاروها من تلاجة العرض بنفسكم فريش وتختاروا التسوية وكل حاجة وبيقدم لكم تجربة مميزة.
تقدروا تعرفوا أكتر عنهم من خلال صفحة الفيسبوك من هنا.
صبحي كابر
زمان صبحي مكنش ليه منافس في المشويات، أيام العربية والحارة القديمة، ولكن دلوقتي شوية في العالي وشوية على القد، لكن الحقيقة هو له مكانة مميزة وسط مطاعم المشويات ونتمنى دايمًا يكون في المقدمة.
تقدروا تعرفوا أكتر عنهم من خلال صفحة الفيسبوك من هنا.
حاتي أبو خالد
ممكن يكون مش معروف قوي ولكنه من أجود الأماكن اللي بتعمل مشويات في القاهرة، ومن أشهر المطاعم في وسط البلد وله تاريخ، وحاليًا بقى موجود في أكتوبر كمان، والمشويات عنده مميزة ودايمًا بتيجي سخنة.
تقدروا تعرفوا أكتر عنهم من خلال صفحة الفيسبوك من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
