خيمة سمعة باشا: رمضان في فندق ماريوت القاهرة عامر بالمفاجآت
Cairo 360
فندق ماريوت وكازينو عمر الخيام باعتباره واحد من أهم الفنادق في القاهرة، وواحد من الفائزين بجوائز اختيارات محرري كايرو360، أكيد معظم أهل القاهرة بيشوفوا أنه بيوفر أجواء فخمة متميزة، خصوصًا في المناسبات والأعياد.
الخيمة الرمضانية الشهيرة في فندق ماريوت "سمعة باشا" رجعت بقوة، وبتقدم لكل أهل القاهرة الكرام تجربة سحور مافيش حد يقدر عليها غير ماريوت. من التجارب السابقة والفخامة المعروفة عنهم، خصوصًا إننا جربناهم السنة اللي فاتت، أكيد سمعة باشا تعتبر من أهم الخيام الرمضانية السنة دي.
طبعًا فخامة الفندق واصلة للخيمة اللي بتقدم أجواء رائعة شوفناها السنة اللي فاتت واستمتعنا فيها بواحدة من أحلى تجارب السحور في القاهرة. والأكيد أنهم هيقدموا خيمتهم الرمضانية بشكل أكبر وأحلى، مع عروض ترفيهية (زي التخت الشرقي مثلًا) وشاشات لعرض مباريات يورو 2016 اللي أكيد هتعمل لمسة مميزة للخيمة، وطبعًا بوفيه السحور اللي فيه ما لذ وطاب من الأكلات الرمضانية الجميلة، واللي قدرت تنال إعجاب فريق كايرو360.
صحيح خيمة سمعة باشا هي أشهر مكان في ماريوت، لكن هتلاقي هناك أماكن ثانية هايلة بتحتفل بالشهر الكريم. عمر كافيه مثلًا بيقدم بوفيه فطار (280 جنيه للفرد، 140 للأطفال بين 5-10 سنوات)، أما إيجيبشان نايتس Egyptian Nights فعندهم منيو آلا كارت للفطار مع ركن القهوة، وحفلات موسيقى حية وهدايا عبارة عن شيش صغيرة، مع تقديمهم كمان لمسات خاصة بالمكان منها ساقي العرقسوس وعروض المسحراتي وأكشاك مستوحاه من أجواء خان الخليلي.
طبعًا رمضان مايكملش من غير كحك، و the Bakeryعنده كل اللي تتمنوه من حلويات شرقية وغيرها.
لمعلومات أكثر عن خيمة سمعة باشا الرمضانية وكل عروض ماريوت الخاصة بالشهر المبارك، ممكن تشوفوا صفحتهم الرسمية على الفيسبوك أو تتصلوا على 02-2728-3000.
