حواوشي وسمك وفطير وأكتر.. 5 مطاعم في القاهرة بتقدم أكل مميز بسعر معقول
أرخص أكل أفضل مطاعم القاهرة أكل سمك حواوشي الربيع كشري التحرير مطاعم مطاعم على قد الإيد
Mohamed Talaat
يا جماعة خلونا نتفق إن الأكل ده شيء عظيم، وعظمته بتزيد مع جودته وطعمه مع السعر المناسب، لأن الجودة والسعر معادلة مش أي حد يقدر يعملها ولا يقدمها للجمهور، وعلشان إحنا طول الوقت بنهتم بالجودة، وكمان بنبقى مش عاوزين أماكن غالية قررنا نقولكم على 5 مطاعم في القاهرة بتتميز بجودة أكلها مع سعر مناسب، وخلال السطور الجاية هتعرفوا كل التفاصيل.
حواوشي الربيع
مش هنتكلم على كل صنف لوحده، ولكن هنقولكم أنكم لو جربتوا الأكل عنده مش هتبطلوا تروحوا أو تطلبوا من عنده، لأن أكلهم بلدي من مزارعهم وجزارتهم وسعر رغيف الحواوشي يبدأ من 35 جنيه، وكمان عندهم ورقة لحمة عظيمة واستيك بـ75 جنيه، والفتة البلدي سعرها 30 جنيه.
العنوان: شارع 17 مدينه التحرير متفرع من شارع الوحدة خلف فرع فودافون – إمبابة.
رقم التليفون: 01007273768 01114444130
تقدروا تعرفوا أكتر عنهم من خلال صفحة الفيسبوك من هنا.
أسماك الشامي
جمال الفيو وروح المكان دول في حته تانية، وأكلهم مميز ومعروف عنه جودته اللي خلتهم رقم 1 في ترشيحاتنا لما بنتكلم عن منطقة وسط البلد، ووجبة البلطي عندهم معاها أرز وسلطة بـ35 جنيه، وطبق المكرونة يبدأ من 35 جنيه، وشوربة السي فود الصغيرة بـ35 جنيه.
العنوان: ٣٧ شارع البستان باب اللوق بعد محطة مترو محمد نجيب – أمام موبايل شوب – وسط البلد.
رقم التليفون: ٠١١٥٠٧١٥٨٢٥
وتقدروا تعرفوا أكتر عنهم من خلال صفحة الفيسبوك من هنا.
كشري التحرير
الكشري يعني التحرير والتحرير يعني كشري، فلو حبيتوا تاكلوا طبق كشري معتبر سعره يبدأ من 10 جنيه، ففيه أكتر من 10 فروع لهم داخل القاهرة تقدروا تزوروا أي واحد منهم أو تطلبوهم دليفري.
العنوان: 20 شارع جول جمال متفرع من شارع البطل أحمد عبدالعزيز – المهندسين.
رقم التليفون: 19719
وتقدروا تعرفوا أكتر عنهم من خلال صفحة الفيسبوك من هنا.
فطاطري المهندسين
من أجمل الفطائر اللي ممكن تاكلوها، وبيتميزوا أنهم بيستخدموا السمنة البلدي في أكلهم، وسعر الفطيرة الحلو يبدأ من 7 جنيه، والحادق يبدأ من 20 جنيه، والبيتزا سعرها يبدأ من 30 جنيه.
العنوان: 7 شارع الروضة – المنيل.
رقم التليفون: 01001416474 – 23641729
وتقدروا تعرفوا أكتر عنهم من خلال صفحة الفيسبوك من هنا.
سمسمة
من أقدم أماكن تقديم الشاورما البلدي في القاهرة، وجودتهم مافيش اختلاف عليها، وكمان سعرهم عظيم بالنسبة للجودة، وساندوتش شاورما الفراخ بيبدأ من 15 جنيه، وشاورما اللحمة يبدأ من 17 جنيه.
العنوان: 6 شارع الدقى – بجوار المدرسة الألمانية.
رقم التليفون: 0225992693
وتقدروا تعرفوا أكتر عنهم من خلال صفحة الفيسبوك من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
