The Definitive Guide to Living in the Capital , Cairo , Egypt

الأكل الشرقي واحد من أشهر وأهم الأكلات في القاهرة، وبيتنافس في تقديمه مطاعم كتيرة، وكل مطعم بيحاول يقدم أفضل طعم وأحسن مكونات في أطباقه.. لكن يا ترى مين الأفضل في كايرو؟ 

الفائزين في فئة أفضل مطاعم الأكل الشرقي في جوائز اختيارات محرري كايرو 360 لعام 2017:

باب الشرق – Bab El-Sharq

بأكلاته المتميزة عن غيره من المطاعم، باب الشرق، في فندق نايل ريتز كارلتون، بيقدم أصناف متنوعة من الأكل الشرقي اللذيذ.

لو طربوش – Le Tarbouche

مجموعة مختلفة من الأكلات، هتستمتع بها وأنت قاعد وسط الديكور العثماني، والتفاصيل الإسلامية. في مطعم لو طربوش في الزمالك.

يوكل – Yokal

أكيلة الكبدة والسجق مش هيقدروا يقاوموا التتبيلة الخاصة في أطباق مطعم يوكل. وكمان السلطات اللي الأكل مايكملش من غيرها.

تمارا إلنا – Tamara Elna

في وسط قعدة هتفكرك بسحر بيروت، ووسط الرسومات، هتستمتع بالأكل اللبناني في مطعم تمارا إلنا. وكمان شوية أصناف مبتكرة زي الحلوم، وكراب ستيكس.

بتاو – Battaw

في بتاو هتاكل أجمل الأكلات الشرقية، المعمولة بأفكار مبتكرة ومطرقعة. زي الكبة بقرع العسل، وتبولة بالكينوا.

الخال – Al Khal

من المطاعم اللي عرفت تعمل لنفسها اسم في القاهرة، وحجزت لنفسها مكان وسط مطاعم الأكل الشرقي بجدارة، مطعم الخال. اللي هتاكل صوابعك ورا أطباقه اللذيذة.

كازوزة – Kazouza

في مطعم كازوزة، هتاكل الأكل الشرقي وأنت وسط قعدة تشبه القهاوي، والديكورات المصرية القديمة. وكأنك في أيام زمان.

بهاريز – Bahareez

مش بس الأكل الشرقي، ده كمان الخدمة المتميزة وسرعة الموظفين والاستقبال الراقي، اللي بيميزوا مطعم بهاريز في المهندسين.

الكبابجي – El Kebabgy

في مطعم الكبابجي مودك دايمًا هيكون حلو، لأنك بتاكل أكل شرقي وأنت قاعد في مكان زي فندق سوفيتيل الجزيرة، في الزمالك.

بيسترو تمارا اللبنانى – Tamara Lebanese Bistro

بيسترو تمارا، واحد من أشيك وأفضل مطاعم الأكل الشرقي في مصر. ده غير ديكوراته الفريدة اللي هتبهرك بمجرد دخولك للمطعم.

تبولة – Taboula

بأجوائه الدافئة والجميلة، مطعم تبولة في الزمالك، واحد من أفضل مطاعم الأكل الشرقي في القاهرة.

لا بالميري – La Palmeraie

حتى لو مش مجرب الأكل المغربي، لما تجرب أكلات مطعم لا بالميري في فندق سوفيتيل الجزيرة. لازم تنبهر.