The Definitive Guide to Living in the Capital , Cairo , Egypt

القاهرة فيها مطاعم أسيوية كتير، لكن مش من السهل تلاقى مكان يأخذك فعلًا لآسيا ويرجعك ثاني وأنت على كرسيك. المطبخ الأسيوي بيتميز بخلطة التوابل المميزة، وإحساس إنك بتجرب ثقافة أكل من عالم مختلف.

اختارنا لكم أكثر المطاعم اللي بتمثل المطبخ الآسيوي أحسن تمثيل، تعالوا نعرفها مع بعض.

إيت – 8

هتلاقيه في فندق الفورسيزونز، ويعتبر من أهم المطاعم الصينية في العاصمة بأفضل مكونات موجودة وأحسن تجهيز للمأكولات، مطعم من الآخر، بعيد كل البعد عن الشكل التقليدي للمطاعم الصينية المنتشرة في القاهرة.

ميراي –   Mirai

ميراي بيحاول يقدم تجربة أكل آسيوية راقية ما حصلتش، مع الديكورات والأجواء اللطيفة، والخدمة الودودة والأكلات الشهية، كلهم بيجعلوا من ميراى إضافة مميزة، طبعًا مع موقعه الرائع المجاور للنيل فى الزمالك.

بكين – Peking

إحنا بنتكلم عن واحد من أهم المطاعم الأسيوية في القاهرة بمعنى الكلمة، أكل مميز، قعدة مريحة، إحساس إنك سافرت فعلًا لعالم تاني. وهناك ننصحك لازم تجرب طبق الـ (فراخ مع هوت شيلى-Chicken-W.Hot Chilli).

بيرد كيج – Birdcage

تجربة مميزة، إحساس مختلف، أكلات تستاهل إنك تجربها، ده غير الديكورات أنيقة جدًا بتعبر عن الجوء الأسيوي اللي يستحق إنك تكون فيه، كل تجربة لينا في المكان ده كانت أجمل من اللي قبلها، علشان كده كان لازم يكون موجود معانا بقوة في القائمة دي.

فويجو – Fuego

بساطة معبرة عن أقصى درجات الرقى، أطباق مميزة، ده غير ديكور المكان الرائع، ومن وقت افتتاحه في القاهرة وهو فعلًا منافس قوي لكل المطاعم الأسيوية في العاصمة.

لازياتيك – L’Asiatique

أكلة سوشي بجد! مش هننسى أبدًا طبق الباد تاى سبرينج رولز، هناك هتجرب متعة الأكل الحار اللي على حق، اختيار راقي وكمان مناسب لك علشان تبهر به حد بتحبه، أو تأخذ فيه عشاء عمل.

موري سوشي & جريل – Mori Sushi & Grill

مكان مميزة وخدمة عالية جدًا، القائمين على المكان مهذبين لأقصى درجة، مورسي وشي أند جريل بيقدم اختيارات مختلفة للمطبخ الآسيوي، والحلو عندهم مافيهوش هزار. فونضام الشيكولاتة السويسري «Swiss Chocolate fondant» اللي بيتقدم بأيس كريم فانيليا.

سباي سباي – Sabai Sabai

تجربة حلوة بحق وحقيق، مكونات أكل طازجة وخدمة هايلة، تجربتنا في سباي سباي مش هننساها بسهولة، وعلشان كده كان طبيعي نختاره واحد من أجمد وأفضل المطاعم الأسيوية في القاهرة اللي بنشرحها عن جدارة علشان تجربوها السنة دي.

مبروك لكل الفائزين!