تمشية وشاورما.. اكتشف جمال القاهرة وأنت بتاكل أحلى ساندوتش!
أكل شوارع أماكن تاريخية القاهرة القديمة تمشية في القاهرة خروجات القاهرة شاورما شاورما سورية شاورما لبنانية مطاعم القاهرة مطاعم شاورما
Cairo 360
رنا شرف
في الصيف، مافيش أحلى من خروجة خفيفة نتمشى فيها في شوارع القاهرة، وناخد ساندوتش شاورما يفتح النفس!
الشاورما مش بس أكلة لذيذة، دي كمان جزء من ذكرياتنا وخروجاتنا الحلوة.. وكل نوع ليه طابعه الخاص، سواء شاورما مصرية بعيش كايزر وطحينة، أو سورية بصوص التومية وعيش الصاج، أو حتى لبنانية بنكهة مميزة.
تعالوا نلف القاهرة مع بعض، ونجرب 5 أماكن شاورما مميزة.. يعني أكلة وتمشية واكتشاف جديد لمدينتنا كل مرة!
شاورما أبو حيدر – مصر الجديدة
مشهور جدًا ومحبوب في مصر والدول العربية كمان! ساندوتشاته مميزة، والمكان في روكسي بيخليك تحس كأنك ماشي في القاهرة بتاعة زمان، وسط عمارات قديمة لسه محافظة على جمالها.
اعرف أكتر عن المكان من هنا
صاج وشاورما – الزمالك
الزمالك دايمًا لها طابع خاص.. هادية، شيك، وكل شارع ومبنى فيها له حكاية. فرع صاج وشاورما هناك بيقدملك شاورما سورية بتومية مظبوطة، وكمان ساندوتش بطاطس بالجبنة يجنن!
اعرف أكتر عن المكان من هنا
بربر – التجمع الخامس (وترواي)
لو بتحب الطابع اللبناني، يبقى بربر هو اختيارك. في قلب التجمع، بربر بيقدملك شاورما لبنانية أصلية ومناقيش رائعة، وفي نفس الوقت تقدر تستمتع بتمشية في منطقة جديدة وهادية.
اعرف أكتر عن المكان من هنا
شاورما الريم – الدقي
ريحة الشاورما الأردنية مختلفة، والريم بيوفرها لك بطعمها الأصلي. ممكن تختار ما بين ساندوتش عادي أو دايت، والمكان في الدقي حيوي ومليان ناس وشوارع تنفع لتمشية سريعة.
اعرف أكتر عن المكان من هنا
نص دستة – مدينة نصر
من الأماكن اللي بقت ترند بين الشباب مؤخرًا! بيقدم شاورما مصري، وكمان حواوشي وكفتة، والمكان مناسب جدًا لتمشية في مدينة نصر بعد الأكل.
اعرف أكتر عن المكان من هنا
وأخيرًا..
لو عاوز تجمع ما بين الرياضة الخفيفة والمتعة، يبقى تمشية في شوارع القاهرة مع ساندوتش شاورما سخن هي الخروجة المثالية ليك!
مقترح
كتب
كتاب جديد بيحكي سيرة سعاد مكاوي... صوت من الزمن الجميل في مكتبات القاهرة
أفلام الأبيض والأسود إذاعة زمان +8
مطاعم
