مطاعم جديدة بتظهر بسرعة البرق كل يوم وكل ساعة بترفع من مستوى المنافسة على ساحة أكيلة القاهرة، لكن الملاحظ دلوقتي أن شعبية مطاعم الفاست فوود بدأت تتراجع، معانا النهارده مكان قدر يثبت أن الفاست فوود لسه محافظ على شعبيته في القاهرة، وهو أخصائي الفراخ المشوية "تشيك شاك – Chick Shack" الموجود في شارع 26 يوليو في الزمالك.
طبعًا إحنا مش بنتكلم عن سلسلة المطاعم الأمريكية الشهيرة علشان ما يحصلش سوء تفاهم، وصحيح اسم تشيك شاك كان غريب شوية على الناس، بس مافيش شك أنه عمل شهرة للمكان. طبعًا المقارنة وقفت عند تشابه الأسماء بس، المميز عند تشيك شاك هو الديكورات المميزة والأجواء الرائعة. من أهم الحاجات اللي بتميز تشيك شاك النجف المدور والألوان الهادئة مع الحوائط المصممة على شكل صناديق المياه الغازية، وطبعًا لازم نكلمكم علن ملابس الموظفين من قمصان مقفولة بزراير وبنطلونات رمادي وحمالات وقبعات؛ أكيد مايكل جاكسون لو كان عايش كان هيفرح بيهم جدًا.
المنيو بسيطة وسهلة، ومعظم التركيز هنا على الفراخ المشوية مع حاجات ثانية زي اللازانيا (34 جنيه) وبطاطس ويدجز (8 جنيه) أو تروبيكال سالاد (18 جنيه) وممكن ينفعوا أطباق جانبية كمان.
بدأنا مع شاك سالاد (28.50 جنيه) لفتح الشهية، وبعدين دخلنا على الجد وطلبنا وجبة النصف فرخة (55 جنيه) مع تشيكن كانيلوني (27 جنيه).
نبدأ حكايتنا مع الشاك سالاد المميزة وهي عبارة عن فراخ مشوية مع مكعبات تفاح أخضر وذرة وفلفل ألوان ورمان ومايونيز. طعم التفاح الأخضر عمل دويتو هايل مع الرمان والذرة الحلوة، بس الفراخ كانت ناشفة ومحروقة شوية.
خلونا نروح على الهدف الأساسي من الزيارة: الفراخ المشوية. الفراخ كانت مشوية تمام ومعاها خضار سوتيه فيه نكهة الثوم المميزة مع واحد من أحلى أطباق الأرز البسمتي اللي جربناها في حياتنا، أما تتبيلة الفراخ فكانت هايلة وفيها نكهة لاذعة بتظهر في كل قضمة. الفراخ نفسها كانت محتاجة تتسوى شوية كمان، وصحيح طعمها عمومًا كان رائع بس الجلد كان محتاج يقرمش أكثر.
كان عندنا قلق من الكانيلوني الجاهز، بس المفاجئة أن طعمه كان ممتاز. الكانيلوني كان متسوى كويس ومحشي فراخ وفلفل، وطعمه قريب من الفاهيتا، مع كمية جبنة بارميزان محترمة. بلاش تركز مع شكل تقديم الأكل السيئ، واستمتع بطعم الكانيلوني الرائع.
عمومًا، صعب نشتكي من حاجة معينة في تجربتنا عند تشيك شاك. المطعم يعتبر من أحسن أماكن الأكلات الصحية السريعة في القاهرة، مع خدمة ممتازة وموظفين هايلين وأجواء مريحة. العيب الوحيد هناك أن مافيش حلو، ومن وجهة نظرنا إن ماكينة آيس كريم سوفت هتناسب ستايل المحل. كده تكون خلصت حكايتنا.
Dody JO
حابه اقولكم تجربتى فى مطعم CHICK >SHACK و بالعربى شيك شاك عنوانه فى الزمالك اولا كانت شوربة اليوم مشروم بالكريمة و شوربة طماطم و للاسف الاتنين اسوء من بعض و الشوربة تقيلة جدا و بتطلع بارة و ملهاش اى طعم و لا مذاق للاسف و منصحش حد يجربها و بالنسبة بقى للازانيا طلعت مش باللحمة طلعت بالفراخ و الخضار و منصحش حد يجربها نهائى يا جماعة للاسف طلعت سيئة جدا من حيث الجودة و الطعم و نيجى بقى للمكرونة الفريدو مش قادرة اقولكم سيئة اد ايه من حيث الطعم و المكونات و فيها حتيتين فراخ و لحسة مشروم و شوية كريمة و فتافيت جبنة على الوش و شكرا خسارة فيها الفلوس و الا المكرونة الااربياتا يا ساتر كانت صوص احمر حراقة و مسكره جدا و للاسف ملهاش طعم بتاكول حاجة حراقة و مسكره تخيلوا بقى الطعم و نيجى بقى لسلاطة البنجر فيها سمسم متخيلين و حبة بركة و البنجر طعمه حلو لكن معلهوش اى اضافة او طعم غير السمسم و حبة البركة للاسف و بالنسبة لباقي السلاطات متشجعتش اجربها لان كمان شكلهم معجبنيش مع انهم ادامى و فى ناس طلبت بس انا مقتنعتش المهم بقى الكشك يا جماعة كارثة بكل المقاييس عبارة عن دقيق بالمايه و فيه حتيتين فراخ و فوق الوش شوية بصل محروقين للاسف و نيجى بقى للفراخ لان ديه اساسهم يعنى انت شايفها فى الشواية و لكن اللى بينزلوها مختلفة عن العرض اللى معاليك شايفها و اما تطلب اللى فى الشواية اللى تحت الفحم يقولوا حاضر و لا حياة لمن تنادى و بصراحة غالية على الفاضى و صغيرة بالنسبة لسعرها و جربنا تانى البطاطس البوريه كانت بصراحة حلوة و طعمها معقول و ياريتنا كنا طلبنا عيش و بطاطس بس هههه كان اهون علينا من كدا ديه اول زيارة و اخر زيارة للمكان بس حبيت انقل تجربيتى اه و نسيت اقولكم الحساب كان تقريبا 400 جنيه و شوية و بصراحة ندمت و زعلت انى رميت فلوسى فى الارض و انا و امى و اختى منبسطناش للاسف منصحش حد بيه خالص لان اللى هيروحه هيكون بيرمى فلوسه فى الارض و شكرا
حابه اقولكم تجربتى فى مطعم CHICK >SHACK و بالعربى شيك شاك عنوانه فى الزمالك اولا كانت شوربة اليوم مشروم بالكريمة و شوربة طماطم و للاسف الاتنين اسوء من بعض و الشوربة تقيلة جدا و بتطلع بارة و ملهاش اى طعم و لا مذاق للاسف و منصحش حد يجربها و بالنسبة بقى للازانيا طلعت مش باللحمة طلعت بالفراخ و الخضار و منصحش حد يجربها نهائى يا جماعة للاسف طلعت سيئة جدا من حيث الجودة و الطعم و نيجى بقى للمكرونة الفريدو مش قادرة اقولكم سيئة اد ايه من حيث الطعم و المكونات و فيها حتيتين فراخ و لحسة مشروم و شوية كريمة و فتافيت جبنة على الوش و شكرا خسارة فيها الفلوس و الا المكرونة الااربياتا يا ساتر كانت صوص احمر حراقة و مسكره جدا و للاسف ملهاش طعم بتاكول حاجة حراقة و مسكره تخيلوا بقى الطعم و نيجى بقى لسلاطة البنجر فيها سمسم متخيلين و حبة بركة و البنجر طعمه حلو لكن معلهوش اى اضافة او طعم غير السمسم و حبة البركة للاسف و بالنسبة لباقي السلاطات متشجعتش اجربها لان كمان شكلهم معجبنيش مع انهم ادامى و فى ناس طلبت بس انا مقتنعتش المهم بقى الكشك يا جماعة كارثة بكل المقاييس عبارة عن دقيق بالمايه و فيه حتيتين فراخ و فوق الوش شوية بصل محروقين للاسف و نيجى بقى للفراخ لان ديه اساسهم يعنى انت شايفها فى الشواية و لكن اللى بينزلوها مختلفة عن العرض اللى معاليك شايفها و اما تطلب اللى فى الشواية اللى تحت الفحم يقولوا حاضر و لا حياة لمن تنادى و بصراحة غالية على الفاضى و صغيرة بالنسبة لسعرها و جربنا تانى البطاطس البوريه كانت بصراحة حلوة و طعمها معقول و ياريتنا كنا طلبنا عيش و بطاطس بس هههه كان اهون علينا من كدا ديه اول زيارة و اخر زيارة للمكان بس حبيت انقل تجربيتى اه و نسيت اقولكم الحساب كان تقريبا 400 جنيه و شوية و بصراحة ندمت و زعلت انى رميت فلوسى فى الارض و انا و امى و اختى منبسطناش للاسف منصحش حد بيه خالص لان اللى هيروحه هيكون بيرمى فلوسه فى الارض و شكرا