تشارلي تشابلن – Charlie Chaplin Restaurant
تشارلي تشابلن.. أكلة فنية على مزاجك في الرحاب
خروجات مطاعم في الرحاب مطاعم في القاهرة مطعم تشارلي تشابلن الرحاب منيو مطعم شارلي شابلن-
منطقة المطاعم بمدينة الرحاب، القاهرة الجديدة.
-
عالمي
-
-
09:59 -
Cairo 360
رنا شرف
لو بتحب الأكل والفن يبقى هتكون سعيد لو لقيت نفسك في مطعم بيقدم أكل بجودة عالية، وفي نفس الوقت بيقدم تجربة فنية بصرية مبهجة. وده اللي لقيناه مؤخرًا أثناء زيارتنا لمطعم تشارلي تشابلن. هناك، على بوابة المطعم، هيستقبلك ممثل بيؤدي شخصية “تشابلن” بطريقته الكوميدية وحركاته المميزة.
خلونا نعرفكم أكتر على تفاصيل تجربتنا مع المطعم وأكله وشخصية تشارلي الجميلة.
مطعم تشارلي شابلن موجود في الرحاب، وبالتحديد في منطقة المطاعم. المطعم بيتميز بديكوراته الجميلة، ومجسم قبعة “تشارلي” الشهيرة، ده غير صوره المنتشرة في المكان.
هيقابلك علي الباب ممثل موهوب بيؤدي شخصية “تشارلي”، والحقيقة الشكل والمكياج واللبس معمولين بمنتهى الاتقان.
View this post on Instagram
الديكورات في المكان حلوة واللون الأبيض والأسود هو المسيطر. لوهلة حسينا إننا معزومين بجد على أكلة حلوة في بيت “تشارلي”.
أكل بطعم الفن
نيجي بقي للأطباق؛ جربنا من هناك شوربة كريمة بالفراخ كنت حلوة بس الكريمة كنت خفيفة شوية، ودي سعرها 75 جنيه.
تاني طبق جربناه كان باستا ستيك مكرونة باللحمة والصوص البني، كان حلو جدًا والكمية كبيرة والصوص مديها طعم في حتة تانية خالص، ودي سعرها 185 جنيه.
جربنا كمان الشيش طاووق وكان مميز، والخضار اللي معاه فريش وسخن، وده سعره 220 جنيه.
أما الحلو اللي اخترناه فكان عصير سموزي مكس بيري، وبجد كان منعش وجميل، وسعره 64 جنيه.
التجربة في المجمل كانت جميلة وأكيد هنكرر زيارتنا للمكان تاني.
