The Definitive Guide to Living in the Capital , Cairo , Egypt

الأكل الشعبي هو عشق المصريين، ولازم كل فترة نفسنا تهف على أكلة من أكلات الشارع المميزة اللي كتير منها بيكون أطعم من أكل البيت بدون أسباب، ومن أهم الأكلات الشعبية اللي بنحبها ونفسنا بتروح لها هي الكشري واللي بيكون مكون من أرز ومكرونة وعدس ودقة وتقلية وصلصة وشوية حبشتكنات وزيادات. ولأهمية الكشري في حياتنا هنقول لكم النهاردة على أشهر 5 محلات بتبيع كشري في القاهرة علشان لو نفسكم فيه ماتدوروش كتير وتروحوا ترضوا مزاجكم في الأكل.

سيد حنفي

من المحلات اللي لها شهرة وباع وتاريخ كبير في صناعة الكشري بدأ من سنة 1952، وفروعه موجودة في أماكن كتير، والفرع الرئيسي لهم وسط البلد، وطبق الكشري عندهم بيبدأ سعره من 20 جنيه.

العنوان: عمارة الشواربي – التوفيقية – وسط البلد

رقم التليفون: 0224285070 – 16920

تقدروا تعرفوا أكتر عنهم من خلال صفحة الفيسبوك من هنا.

حماده

رغم أنه مالوش كتير في السوق إلا أنه أخد شهرة واسعة في تقديم الكشري، وله أكتر من فرع، ومشهور بعروضه المميزة، وطبق الكشري عنده بيبدأ من 25 جنيه.

العنوان: المهندسين – بجوار وزارة الشباب ونادي الترسانة، أمام بوابة نادي الزمالك.

رقم التليفون: 19713

تقدروا تعرفوا أكتر عنه من خلال صفحة الفيسبوك من هنا.

هند

طول عمرنا بنسمع عنه وبناكل من عنده وشهرته وسط مطاعم الكشري كبيرة، وخلينا نقول لكم إنه زمان كان واحد من أهم محلات الكشري اللي بنروح لها، وله فرعين، وبيبدأ طبق الكشري عندهم من 20 جنيه.

العنوان: التجمع الأول – البنفسج 2 بجوار مول البركة – بجوار بوابة 2 الرحاب – القاهرة الجديدة.

رقم التليفون: 01117002662 – 01099466669

تقدروا تعرفوا أكتر عنهم من خلال صفحة الفيسبوك من هنا.

أ

أبو طارق

طالما قولنا كشري يبقى لازم على طول نفتكر أبو طارق صاحب أشهر براند كشري في مصر والعالم العربي، وكمان من ضمن أفضل 100 مطعم كشري في العالم، وطبق الكشري عندهم بيبدأ من 27 جنيه.

العنوان: شارع شمبليون تقاطع شارع معروف – وسط البلد.

رقم التليفون: 16011

تقدروا تعرفوا أكتر عنهم من خلال صفحة الفيسبوك من هنا.

الغباشي

شهرتهم خرجت من المعادي وبيقدموا طبق كشري مميز، ولهم حاليًا أكتر من فرع في القاهرة، وطبق الكشري عندهم يبدأ من 20 جنيه.

العنوان: المعادي – شارع الخمسين – أمام بنزينة موبيل.

رقم التليفون: 19860

تقدروا تعرفوا أكتر عنهم من خلال صفحة الفيسبوك من هنا.