The Definitive Guide to Living in the Capital , Cairo , Egypt

المخبوزات عشق لا ينتهي، وماحدش يقدر يقاوم رائحة العجين في الفرن، والرائحة دي بتأثر علينا لو كنا معديين قدام مكان بيصنعها فأول حاجة بتشدنا الريحة اللي بتخلينا مش قادرين نقاوم وعلى طول ندخل نشتري وناكل، وده شعور لا إرادي طبعًا وكلنا بنعاني من ده خاصة لو عاملين دايت، ولأن المخبوزات من أهم المأكولات اللي ممكن نتكلم عنها، هنقول لكم النهاردة على 5 محلات بتقدم مخبوزات مميزة وشهية في القاهرة.

Ratios Bakery

من أفضل أماكن عمل المخبوزات في القاهرة وبيعملوا كل حاجة بحب وعندهم أنواع كتير تقدروا تختاروا منها أو حتى تحتاروا فيها ولكن الأكيد أنكم مش هتزهقوا منهم وكل مرة هتجربوا حاجة مختلفة.

العنوان: 10 شارع 11 متفرع من شارع 87 – المعادي.

وتقدروا تعرفوا أكتر عنهم من خلال صفحة الفيسبوك من هنا.

Ovio

عندهم تشكيلة متميزة من المخبوزات اللي هتقدروا تختاروا منها اللي بتحبوه، وكمان المنتجات بتتخبز قدامكم، ومهما كانت النوعية اللي هتختاروها فتأكدوا أنكم هتنبسطوا بشكل كبير منها، ولهم فروع كتير في القاهرة.

العنوان: مول جاليريا 40 – الشيخ زايد.

وتقدروا تعرفوا أكتر عنهم من خلال صفحة الفيسبوك من هنا.

Brioche Dorée

مكان مميز بيقدم مخبوزات فرنسية صنعت بحب وهتلاقوا عندهم متنوعات كتير تقدروا تختاروا منها اللي بتحبوه في أجواء مميزة وجودة عالية، وهما لهم أكتر من فرع في القاهرة ولسه بيتوسعوا كمان.

العنوان: محطة شيل آوت – بوابة 19 – الرحاب.

وتقدروا تعرفوا أكتر عنهم من خلال صفحة الفيسبوك من هنا.

La Gourmandise

رغم انه مش متخصص في المخبوزات وبس، إلا أنهم عندهم لمسة مميزة في صناعة المخبوزات بجودة عالية جدًا وهتحبوا التجربة عندهم بشكل عام، وتقدروا تفطروا من عندهم عن طريق الحجز المسبق.

العنوان: 136 شارع النيل – فندق فورسيزون – الدقي.

وتقدروا تعرفوا أكتر عنهم من خلال صفحة الفيسبوك من هنا.

Bouchee

بيقدموا مخبوزات فرنسية حلوة هتخطفكم، وعندهم افتكاسات حلوة، وكمان بيقدموا سندوتشات مميزة وهتشوفوا الشيفات وهما بيخبزوا قدامكم، ورغم أن المكان صغير إلا أنه بيساع من الحبايب ألف.

العنوان: 22 شارع بغداد – الكوربة – مصر الجديدة.

وتقدروا تعرفوا أكتر عنهم من خلال صفحة الفيسبوك من هنا.