The Definitive Guide to Living in the Capital , Cairo , Egypt

زمان، كان فيه شوية مطاعم كده من أهم وأشهر الأماكن اللي أهلنا كانوا لازم يزوروها، وكان ليها طابع خاص. كانوا بيقولوا عليها “مطاعم المثقفين والفنانين”، ومن ضمنها مطعم الدهان القديم، اللي مليان نوستالجيا هتفكركم بأيام زمان. المطعم اتأسس سنة 1890، وكان شعاره “نعود بك لأجواء ألف ليلة وليلة”.

المكان لسه محتفظ بنفس تفاصيله القديمة، بفريق عمل من الكبار الشعبيين وأولاد البلد، وكراسي وترابيزات كلاسيكية قديمة، والقعدة كلها بره على مشهد الحسين، اللي بيخليك تحس بروح المكان وأنت سامع كل أنواع الفن من حواليك، مع صوت الباعة المتجولين اللي بيكملوا الأجواء.

بدأنا الأكل بطبق سلطات مشكلة: طحينة، خضراء، وزبادي، وكل طبق بـ9 جنيه. الحقيقة السلطات كانت زي ما هي من زمان، نفس الطعم اللي ناس كتير بتحبه. بعد كده طلبنا ممبار ربع كيلو بـ55 جنيه، لكنه للأسف مكنش أحسن حاجة، وكان محتاج يكون متظبط أكتر.

أما الطبق الرئيسي فكان 800 جرام كفتة بـ850 جنيه، وكانت التتبيلة ممتازة، وطعم اللية واضح فيها، ومذاقها كان جميل. كمان طلبنا طبق مشكل ريش وكباب بـ1250 جنيه، والجودة كانت حلوة، بس جربنا أماكن تانية بتعمله أحسن، فالموضوع محتاج منهم شوية مراجعة للريسبي، لكن اللي عوّض ده إن اللحمة كانت ممتازة فعلًا.

تقدروا تعرفوا أكتر عنهم من خلال صفحة الفيسبوك من هنا.