The Definitive Guide to Living in the Capital , Cairo , Egypt

رمضان بيحب اللمة، حقيقة ما حدش يقدر ينكرها.. وعلشان كده الخروجات في الشهر الكريم ليها طعم جميل.. لكن السؤال: إيه أفضل مطاعم في القاهرة ممكن توفر لنا أكل حلو وقعدة مريحة في نفس الوقت؟ وعلشان ما تتعبش نفسك وتدور إحنا قررنا نجمع لك أفضل مطاعم القاهرة.. اللي بتوفر لك تجربة إفطار محترفة، وراعينا إن أغلب المطاعم دي تكون بتقدم لك أكل شرقي.. علشان نحس ببهجة وطعم رمضان.

زاكس فرايد تشيكن – Zack’s Fried Chicken 

عشاق الفراخ المقرمشة أو “البروستد” هيفرحوا قوي بالمكان ده.. إحنا بنتكلم عن زاكس فرايد تشيكن – Zack’s Fried Chicken، في مول سيتي ستار في الحي الـ 11 في 6 أكتوبر.

أركن عند المول واطلع كام سلمة هتلاقيه على الشمال، المطعم مساحته صغيرة جدًا وفيه 3 أو 4 ترابيزات، لكن المكان أخد المساحة الواسعة اللي أمام المطعم في ساحة المول علشان الناس تقدر تقعد وتاكل.

المنيو عبارة عن فراخ مقرمشة سواء ساندويتشات وفيه كام صنف مكرونة بصوص أبيض أو أحمر جواها برضه فراخ مقرمشة، أو بيتزا دجاج مع صوص أبيض أو أحمر. تجربة هايلة وجودة حقيقية.

باب الشرق – Bab El-Sharq

باب الشرق، في فندق نايل ريتز كارلتون، بيقدم أصناف متنوعة من الأكل الشرقي اللذيذ. وبيتميز بأكلاته المختلفة عن باقي المطاعم.

لو طربوش – Le Tarbouche

هتستمتع بمجموعة مختلفة من الأكلات، وأنت قاعد وسط الديكور العثماني، والتفاصيل الإسلامية. في مطعم لو طربوش في الزمالك.

تمارا إلنا – Tamara Elna

هياخدك سحر بيروت، والرسومات المختلفة، وأنت بتستمتع بالأكل اللبناني في مطعم تمارا إلنا. وكمان شوية أصناف مبتكرة زي الحلوم، وكراب ستيكس.

بتاو – Battaw

بتاو بيتميز بأكلاته الشرقية، المعمولة بأفكار مختلفة. زي الكبة بقرع العسل، وتبولة بالكينوا.

الخال – Al Khal

مطعم الخال  قدر يقدم أطباق شرقية مميزة ولذيذة، خلته من المطاعم اللي عرفت تعمل لنفسها اسم في القاهرة، وحجز لنفسه مكان وسط مطاعم الأكل الشرقي بجدارة،.

كازوزة – Kazouza

لو أنت بتحب أيام زمان، وقعدة القهاوي والديكورات المصرية القديمة.. يبقى هتستمتع بالأكل وانت في كازوزة.

الكبابجي – El Kebabgy

أكيد هتبقى متسلطن وأنت بتاكل أكل شرقي، وفي مكان زي فندق سوفيتيل الجزيرة، في الزمالك. خصوصًا لو انت في مطعم الكبابجي.

لا بالميري – La Palmeraie

لازم تبهرك أكلات مطعم لا بالميري في فندق سوفيتيل الجزيرة. حتى لو مش مجرب الأكل المغربي قبل كده.

عنب بيروت – Enab Beirut

عنب بيروت بيتميز أجواءه الهادية اللطيفة. وقعدة آوت دوور هايلة للفطار. ده طبعًا غير التميز في الطعم والجودة من ناحية الأكل.

ليبانيز دينر – Lebanese Diner

مش هتلاقي أكل لبناني روعة في ليبانيز دينر، ده كمان بيتميز بمنيو مخصص للأطفال. يعني لو الخروجة عائلية ماتشلش هم.