The Definitive Guide to Living in the Capital , Cairo , Egypt

البرجر يعني تسوية اللحمة تكون على مزاجك والبطاطس تبقى مقرمشة لا مزيتة ولا باردة ويا سلام على ستيك بالمشروم صوص مابيهزرش، كل الحاجات دي بتميز المطبخ الأمريكي اللي منتشر بشدة في القاهرة، وصعب إن أي حد يستغنى عنه، ولأن مش أي حد بيعرف يعمله زي ما الكتاب بيقول. اخترنا لكم أفضل مطاعم المطبخ الأمريكي لعام 2017 من وجهة نظرنا واللي بنرشحها لكم أنكم تستمتعوا بها طول السنة على ضمانتنا لأننا جربناهم كلهم.

تعالوا نعرف الفائزين في فئة أفضل المطابخ الأمريكية في جوائز اختيارت محرري كايرو 360 لعام 2018:

فات كاو –   Fat Cow

من الأماكن النادرة اللي لسه محافظة على مستواها ونقدر نقول بكل فخر إنها من أحسن الأماكن اللي تقدر تستمتع فيها بساندوتش برجر.  المكان في المعادي بيقدم برجر بحرفية عالية وتتبيلة مثالية. فات كاو فتح من سنين قريبة بس قدر يثبت أنك لما بتعمل حاجة بتحبها بتقر تحافظ على جودة اللي بتقدمه.

بوتشرز برجر – Butcher’s Burger

من أوائل الأماكن اللي كانت متخصصة في عم ساندوتشات البرجر، وأبدعت في ده، الساندوتش بتضغط عليه بنزل الصوص، وتبقى مش عارف تدخله جوه فمك من حجمه، وبدأ يتوسع في أكثر من فرع ويستمر في أدائه في إسعاد زبائنه.

ويلز كيتشن –  Willy’s kitchen

ملك البرجر كرر نجاحه في أكتر من فرع وبهرنا باختياره لساندوتشات الدجاج كمان، وهيفضل من الأماكن المحببة لينا اللي لسه محافظة على مستواها.  

لوسيلز – Lucille’s

فطار لوسيلز والبان كيك والستيك من الحاجات المميزة في فرع المعادي ده غير أن اللي بيجرب البان كيك مرة عنده مش هيقدر يقاومها ولازم يرجع يجرب الفطار تاني وتالت ورابع.

ذا كيوسك – The Kiosk

مكان جميل  في مصر الجديدة من أول الديكورات لحد طعم البرجر اللي يجنن والبطاطس المقرمشة اللي تفرح قلبك من أول قطمة، الأكيد إن ذا كيوسك بيقدم أطباق بحرفية عالية تستاهل تخليك تروح له دايمًا.

تشيكن أند ريبس – Chicken & Ribs

إيه رأيكم تجربوا تأكلوا مع الفراخ وافلز تجنن؟ اختراعات كتيير حلوة جدًا في تشيكن أند ريبز تخلينا مش عاوزين نسيب المكان قبل ما نجرب فيه كل حاجة. أكلات أمريكية مختلفة ماتتفوتش.

لوكا ستيك هاوس – Lucca steakhouse

 من أجمل الأماكن اللي ممكن تأكل فيها ستيك معتبر بجودة ممتازة في الشيخ زايد، حاجة كده معمولة بحب وحرفية ومزاج عالي، ده غير إن عندهم أصناف تانية طبعًا بس الستيك هو الملك.

بافلو وينجز أند رينجز – Buffalo Wings & Rings

أجمل أجنحة بدون عظم ممكن تاكلوها بصوص الباربكيو المنعش ولا جمال البرجر اللي بتتبيلة لا تقاوم، تجربتنا هناك في فندق رايديسون بلو كانت ممتعة لأقصى درجة، لأنهم مش بيهزروا في الجودة اللي بيقدموها.