The Definitive Guide to Living in the Capital , Cairo , Egypt

إنك تاكل لما تبقى جعان، ده سهل، لكن إنك تعمل ده بشكل صحي ده أمر صعب في وقت أغلب الأكل فيه مش صحي ومليان دهون، نعتقد يبقى لازم نقف ونفكر إحنا بنعمل إيه في نفسنا؟! ومن هنا جت فكرة الأكل الصحي، وبدأت مطاعم كتير تحاول تقدم أكل صحي بجودة كويسة، وسعر مناسب، لكن المهتمين بالنوع ده قليلين جدًا برضه، علشان كده عدد المطاعم اللي بتقدم أكل صحي في القاهرة مش كتير، لكن فريقنا في كايرو 360 اختار أفضل أماكن الأكل الصحي اللي صحيح قليلة لكنها الأفضل.

تعالوا نتعرف على الفائزين بجوائز اختيارت محرري كايرو 360 لسنة 2022 لأفضل أماكن بتقدم أكل صحي في القاهرة:

ليتشي –  Lychee:

بيتميز بحاجات كتير، زي العصائر الفرش والكوكتيلات المميزة، لكن كمان الساندويتشات والسناكس بتاعه حلوة جدًا، وبتشبعك من غير ما تضر معدتك أو تبوظ جسمك.

Lyfe – لايف:

مش مجرد مكان بيقدم أكل ومشروبات صحية وخلاص، هو مكان تحسه “أسلوب حياة” أكتر من إنه مكان تروح تاكل فيه، الأكل فيه مش مختلف لمجرد إنه صحي بس، لأ كمان معمول بنفس وباحترافية.

فريشي – Freshii:

المكان بيقدم مجموعة كبيرة وواسعة من السلطات والأكلات الصحية، سواء الحلو (فواكه وحلويات وعضائر) أو حادق (خضروات وبروتين ولحوم).. وهتستمتعوا كمان بطبيعة المكان، والقعدة الحلوة.