أجمد 6 مطاعم للباستا في القاهرة.. لازم تجربهم!
أكل إيطالي أكلة سريعة باستا لازانيا مطاعم القاهرة مطاعم المعادي مطاعم مدينة نصر مكرونة
Cairo 360
رنا شرف
الصورة الرئيسية: Mae Mu
الباستا من الأكلات السهلة والسريعة اللي كلنا بنعشقها، سواء كبار أو صغيرين. بتليق جنب أي حاجة زي البرجر، البانيه، الكفتة، وحتى البطاطس المحمرة. وكمان الباستا ليها أشكال كتير زي البشاميل، اللازانيا، النجرسكو، وبالصوصات المختلفة، وبتبقى اختيار حلو في أي وقت.
النهارده جبنالكم 6 مطاعم مميزة للباستا في القاهرة، لازم تجربوهم:
1. دسوقي أند صودا
من المطاعم اللي بتميزها تنوع أكلاتها، وخصوصًا الباستا. عندهم كمان فطير وطاسات جبنة اللي بقت تريند. أسعارهم عالية شوية لكن الجودة تستاهل، والمطعم ليه فروع في المعادي، 6 أكتوبر، ومناطق تانية كتير.
صفحتهم على فيسبوك هنا.
2. حمادة مكرونة
لو بتدور على الباستا بلمسة شعبية وعروض خرافية، حمادة مكرونة هو عنوانك. عنده فروع في وسط البلد، باب اللوق، وشبرا، وأسعاره في متناول الجميع.
صفحتهم على فيسبوك هنا.
3. بيسترو
من أشهر مطاعم مدينة نصر، ومش متخصص في الباستا بس، لكن بيقدم كمان بيتزا، مشاوي، ولازانيا بأشكال متنوعة. موجود كمان في شيراتون والتجمع، وأسعاره مناسبة جدًا.
صفحتهم على فيسبوك هنا.
4. باستا فاكتوري
متخصص في الباستا بأنواعها، وبيقدم أطباق مميزة جدًا. المكان موجود في مدينة نصر، وأسعاره معقولة. لو بتحب الباستا بشكلها الكلاسيكي أو المبتكر، المكان ده هيعجبك جدًا.
صفحتهم على فيسبوك هنا.
5. باستاويسي
مطعم بيجمع بين الباستا، البرجر، والبيتزا، وكل أطباقه معمولة بطريقة مختلفة. بيقدم الباستا بالريد صوص، الوايت صوص، وبأشكال تانية كتير.
صفحتهم على فيسبوك هنا.
6. مكرونة الإنسجام
اسم له تاريخ في عالم المكرونة! من أكتر المطاعم اللي بتقدم باستا بالكبدة والسجق بشكل مميز، وكمان بيعمل عروض مستمرة. ليه فروع كتير وأسعاره ممتازة.
صفحتهم على فيسبوك هنا.
جاهز تعمل لفة وتجرب أحلى أطباق الباستا؟!
مقترح
الحياة في كايرو
خطوة بخطوة: إزاي تحجز تذكرة معرض الكتاب 2025 أونلاين؟
أسعار التذاكر حجز تذاكر أونلاين +3
مطاعم
