Cairo 360
ساعات وتبدأ 2024، سنة جديدة سعيدة، ولو كنتم من عشاق القراءة وخاصة في مجال التنمية الذاتية والتحفيز والنجاح، هنرشح لكم في السطور الجاية، 5 من أفضل الكتب في المجال ده، ممكن تساعدكم على وضع خطة للنجاح في السنة الجديدة، وفي كل الحالات أكيد الكتب دي هتغير تفكيركم وحياتكم للأحسن.
تعالوا نعرف الكتب دي مع بعض، وهي متاحة للبيع في أغلب مكتبات القاهرة، زي ديوان والشروق وتنمية وباقي المكتبات.
“فن الاسترخاء” لهربرت بنسون
الكتاب بيقدم للقاريء علاج لكل من: القلق – الإجهاد – الأرق – الاكتئاب – التوتر. من غير أدوية أو عقاقير.
“بناء المهارات العقلية” لريتشارد إي نيسبت
كتاب مميز بيقدم فيه الكاتب خلاصة أفكاره لتعلم المفاهيم القوية لحل المشكلات بطريقة فعالة.
“دماغك في أثناء العمل” لديفيد روك
الكتاب بيقدم استراتيجيات للتغلب على فقدان التركيز، واستعادته والعمل ببراعة طول اليوم. وبيتناول مجالات التحدي في علم الأعصاب، وبيفسرها بطريقة واضحة ومبسطة.
“قواعد السطوة” لروبرت جرين
بيستخلص فيه الكاتب ببراعة، تاريخ طويل من السطوة في 48 قاعدة. وبيعرضها بجرأة ووضوح. وكمان بيمزج فيها أفكار مفكرين كبار زي مكيافيللي، صن تسو، وكارل فون كلوشفيتز.
“معادلة السعادة” لنبيل باسريشا
الكتاب عبارة عن خلاصة أكتر من عشر سنين بحوث مستمرة، لفهم تفاصيل السعادة البشرية. وكمان بيضم معارف مئات من علماء النفس وذوي الخبرة في المجال ده.
