ويك إند مع الورق.. 5 كتب خفيفة وممتعة هتخليك تحب القراءة
أفضل الكتب الشبابية أفضل الكتب للمبتدئين روايات للمبتدئين في القراءة كتب خفيفة كتب مصرية حلوة كتب مناسبة للاجازات كيف تحب القراءة
Cairo 360
الكتب أجمل صديق، خصوصًا لو كنت بتعاني من وحدة، أو لو عندك حالة زهق ورغبة في البعد عن الناس، لكن مش كلنا بنحب القراءة، علشان فكرة كتير مننا إن القراءة حاجة جامدة ومش شيقة ومحتاجة ثقافة عالية وتركيز شديد، لكن علشان تحب القراءة لازم تبدأ صح، والبداية الصح تكون من خلال اختيار كتب مناسبة، تكون شيقة وفي نفس الوقت أسلوبها بسيط ومناسب للمبتدئين.
تعالوا نتعرف على 5 كتب خفيفة وسريعة تقدروا تستمتعوا بها في الويك إند وممكن تكون بداية حقيقية تخليك تعشق القراءة.
كتاب بلاد الله، خلق الله – أنيس منصور
أنيس منصور واحد من أهم الفلاسفة في مصر والوطن العربي، اشتهر بأدب الرحلات، وفي كتاب بلاد الله خلق الله بيستعرض رحلته في الكونغو وألمانيا وإيطاليا، والكتاب أسلوبه بسيط ومناسب جدًا للمبتدئين في عالم القراءة.
كتاب إذاعة الأغاني – عمر طاهر
“ينما تجري الحياة، ثمة أغنية ما تدور في الخلفية، وبينما تدور أغنية ما، ثمة حياة تجري في الخلفية”. نقدر نقول إن إذاعة الأغاني واحد من أجمل الكتب اللي صدرت في السنوات الأخيرة، الكتاب ممتع جدًا ومناسب للمبتدئين، في الكتاب بنتعرف من عمر طاهر على تلخيص موجز لذكريات وتاريخ الموسيقى.
كتاب 40 – أحمد الشقيري
كتاب “أربعون” نقدر نعتبره واحد من كتب التنمية الذاتية المميزة، من تأليف الإعلامي أحمد الشقيري، واللي بيعرض لنا في الكتاب خبرات حياته بعد ما وصل لسن الأربعين. أسلوب الكتاب بسيط وممكن تخلصه في قعدة واحدة، والأكيد أنك هتستمتع بجد وكمان هتستفيد وهتفهم الدنيا أكثر.
رواية يوتوبيا – أحمد خالد توفيق
رواية يوتوبيا للكاتب أحمد خالد توفيق بتحكي عن عالم فانتازي خيالي رمزي بتسوده طبقة أغنياء مرفهين وطبقة فقراء كادحين. رواية ممتعة وأسلوبها بسيط وشيق جدًا هتقدر تخلصها في الويك إند.
كتاب أرني الله – توفيق الحكيم
كتاب مميز ومناسب جدًا للمبتدئين، ومليان بالأفكار الفلسفية والدينية وبيخليك تعيد تفكير في أمور كتير في حياتك.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
