-
ياسر حماية
-
أدب ساخر
-
من الآن
-
عربي عربي
-
20 جم
-
معظم المكتبات
Shaimaa El Gammal
على الرغم من صدور بعض الكتب اللي
بـ تتكلم عن الرئيس الليبي معمر القذافي، إلا أن كتاب الصحفي ياسر حماية
“معمر الطاسة – القذافي سابقًا” يعتبر واحد من أجمل الكتب اللي كُتبت
عنه مؤخرًا، لأن الكتاب مش مجرد كتاب ساخر بـ يرصد مواقف القذافي الكوميدية فقط أو
الإيفيهات اللي قيلت عليه، الكتاب فيه مجهود صحفي مبذول في جمع كل المعلومات الممكنة
عن القذافي في وقت قصير نسبيًا في فترة ما بين يوم خطاب التوك توك لحد موعد صدور
الكتاب.
عدد صفحات الكتاب 180 صفحة من القطع
المتوسط وهو عبارة عن 8 فصول مقسمين لعناوين جانبية بـ يرصد كل واحد فيهم جزء معين
عن القذافي.
في مقدمة الكتاب بـ يفجر “ياسر
حماية” مفاجأة يمكن مش كثير يعرفوها وهي أن القذافي يعتبر مريض ذهنيًا وتم علاجه
في مستشفى الأمراض العقلية في القاهرة عام 1970 وأن المعلومة دي خرجت للعلن من
فترة مش طويلة بعد الإفراج عن وثائق لمجلس الوزراء البريطاني ومراسلات الوزراء
المختلفة خاصة وزارة الخارجية مع السفارات.
الفصل الأول بـ يركز على التعريف
بشخصية القذافي وعرض سيرة حياته من أول مكان مولده لحد التطور اللي حصل وخلاه يبقى
الرئيس مع عرض أسماء زوجاته وأبناؤه ونبذة عن كل واحد فيهم.
الفصل الثاني بـ يرصد الحالة الاقتصادية
والوضع الديني والثقافي في ليبيا، والفصل الثالث بـ يناقش سياسة ليبيا الخارجية مع
الدول زي مصر والعراق وتونس والمغرب وليبيا ولبنان وألمانيا وأمريكا والسعودية.
نيجي بعد كده للفصل الرابع اللي بـ
يتكلم بالتفصيل عن الكتاب الأخضر، أشهر كتاب في ليبيا من تأليف القذافي، واللي بـ يقول
عنه في الفصل الثاني منه: “هذا الكتاب لا يحل مشكلة الإنتاج المادي فقط، بل
يرسم طريق الحل الشامل لمشكلات المجتمع الإنساني”. وبـ يقول عنه كمان في نفس
الفصل: “أقدم لكم كتابي الأخضر الذي كتبته في داخل خيمتى التي يعرفها العالم
بعد أن هجمت عليها 170 طائرة وقصفتها بقصد حرق مسودة كتابي والتي هي بخط
يدي”.
الفصل الخامس بـ يعرض بعض أكاذيب القذافي
المشهورة في الإعلام زي كذبته الشهيرة عن مبارك أثناء الثورة المصرية لما قال أن
مبارك فقير ولا يملك ثمن ملابسه وأن ليبييا هي اللي بـ تدفع له الدعم! وفي نفس
الفصل بـ يستعرض ياسر حماية أشهر الجمل والإيفيهات اللي طلعت على القذافي في وقت
الثورة الليبية.
الفصل السادس مخصص لاستعراض أزياء
القذافي واللي تعتبر نقطة مهمة جدًا لا يمكن إغفالها وإحنا بـ نتكلم عنه لأنه كان مشهور
بحبه للبس الأزياء الغريبة والمضحكة في أغلب الأحيان. وبـ ييجي بعد كده الفصل
السابع اللي عرض كثير من فضائح القذافي وأولاده واللي هـ تندهش جدًا لما تقرأها وهـ
تلاقي كثير منها جديد عليك كقارئ.
وفضّل ياسر حماية أنه يختم كتابه
بالفصل الثامن اللي بـ يتكلم عن الثورة الليبية وبـ يستعرض تطوراتها يوم بيوم واللي بدأت من يوم 17 فبراير ومازالت مستمرة لحد
دلوقتي.
ما بين الفصول هـ نلاقي مجموعة من
الصور الأرشيفية للقذافي ومجموعة ثانية من الصور الكاريكاتورية أو الصور التركيب
اللي نُشرت على الإنترنت والفيس بوك في بداية الثورة الليبية.
في نهاية قراءتك للكتاب هـ تحس أنك
قرأت كتاب مفيد فيه معلومات كثير ممكن تكون جديدة عليك خصوصًا لو أنت مش متعود
تقرأ في السياسة وفي نفس الوقت بأسلوب بسيط وسهل.
أكتب تقييم
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
