مشاوير في بلاد كتير: أحدث كتاب في مكتبات القاهرة
أحمد الليثي ناصف دار الشروق كتاب جديد مشاوير في بلاد كتير مكتبات القاهرة
Cairo 360
صدر مؤخرًا عن دار الشروق كتاب “شاوير في بلاد كتير”، لأحمد الليثي ناصف، واللي بيلخص تجربة مشوار الكاتب اللي استمرت حوالي ثلاثين سنة في دهاليز ودروب منطقة الشرق الأوسط وشمال إفريقيا وآسيا الوسطى مع الشركات العملاقة أو Fortune 500 companies.
في الكتاب بنتعرف على عشرات المواقف الغريبة والتجارب المضحكة اللي قرر الكاتب أنه يشاركها مع القارئ من الناحية الحياتية اللي بتهم وتسلي أغلب الناس.
يعني رغم إن الكاتب بيحكي عن تجربته مع الشركات الكبيرة اللي اشتغل فيها لكن الكتاب نفسه مش عن العمل بقدر ما هو عن التجارب الحياتية المختلفة اللي ممكن تفيد أي إنسان في أي مجال.
أسلوب الكتاب كان مميز بدرجة كبيرة وفي أحيان كتير كان بيبقى ساخر.
بيحكي أحمد الليثي ناصف في الكتاب عن رحلته مع صعود السلم الوظيفي وتقلد وظائف ومسئوليات في بلاد مختلفة كانت في أحيان كتيرة في فترات فاصلة من تاريخها: زي مثلًا ليبيا وهي تحت الحصار، العراق في فتة برنامج النفط مقابل الغذاء، جمهوريات آسيا الوسطى بعد استقلالها عن الاتحاد السوفيتي، اليمن بعد اتحاد شماله وجنوبه وغيرها من المواضيع.
الكتاب بيحاول أنه يلقي الضوء على بعض الأمور اللي ممكن يكون بعضها مشوش الصورة في أذهان ناس كتيرة ومنها السحر، وممارسات الشيعة في إيران، تاريخ تعدد الزوجات في المغرب العربي….. إلخ.
أحمد الليثي ناصف؛ كاتب مصري اتخرج من الجامعة الأمريكية بالقاهرة في مجال إدارة الأعمال، وبعدها حصل على الماجستير ودبلومات عليا من كلية إدارة الأعمال في إدنبرة.
بدأ حياته العملية مع الشركات العملاقة متعددة الجنسيات، وأتاح له إتقانه العديد من اللغات، وتفوقه العلمي تسلق السلم الوظيفي، في عدد من الشركات العملاقة زي بيبسين يونليفر، بلاد أند ديكر، بروكتر أند جامبل وغيرها من الشركات في دول مختلفة.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
